YECHL. «Tottenhem» guruhda yetakchi sifatida pley-offga chiqdi, «Liverpul» esa «Napoli»ni ishonchli hisobda mag‘lub etdi

Futbol bo‘yicha Chempionlar Ligasining 6-turidan o‘rin olgan o‘yinlar 1 noyabr, seshanba kuni bo‘lib o‘tdi.

D guruhida «Tottenhem» Fransiyada «Marsel» mehmoni bo‘ldi. Birinchi bo‘lim so‘ngi Shansel Mbemba fransuzlarni hisobda oldinga olib chiqdi. 54-daqiqada Kleman Langle muvozanatni tikladi. Qolgan daqiqalar shiddatli tarzda davom etgan bo‘lsa-da, raqib darvozasi ishg‘ol qilinmadi. Biroq, hakam qo‘shib bergan so‘nggi daqiqada Per-Emil Hyoyberg londonliklarga muhim bo‘lgan g‘alabani keltiruvchi golni urdi.

Ikkinchi o‘yinda «Ayntraxt» «Sporting» ustidan zafar quchdi.

Shu tariqa «shporlar» muhim 3 ochkoni qo‘lga kiritib, 1-o‘rinni egalladi. «Ayntraxt» ham so‘nggi turda pley-off yo‘llanmasini hal qildi. «Sporting» Yevropa Ligasiga yo‘l oladigan bo‘ldi. «Marsel» esa mag‘lubiyatdan so‘ng so‘nggi o‘ringa tushib ketdi.

«Marsel» – «Tottenhem» 1:2
Gollar: 1:0 – 45 Mbemba, 1:1 – 54 Langle, 1:2 – 90+5 Hyoyberg.
«Marsel»: Lopes, Kloss (Kabore, 74), Mbemba, Bayi (Jigo, 9; Kolashinas, 73), Balerdi, Nunu Tavaresh, Veretu (Under, 74), Ronje (Suares, 83), Harit, Genduzi, Sanches.
«Tottenhem»: Loris, Dayer, Devis, Langle, Sessenon (Emerson, 46), Perishich, Hyoyberg, Bentankur (Skipp, 84), Son Hyon Min (Bissuma, 29), Lukas Moura (Hil, 90), Keyn.
Ogohlantirishlar: Langle (57), Stellini (68), Balerdi (76), Hyoyberg (90).

«Sporting» – «Ayntraxt» 1:2
Gollar: 1:0 – 39 Artur, 1:1 – 62 Kamada (penalti), 1:2 – 72 Kolo-Muani.
«Sporting»: Adan, Porro, Koates, Sen-Jyust (Jovane Kabral, 78), Inasiu, Nunu Santush (Mateus Reys, 32), Artur, Ugarte (Essugu, 63), Pedru Gonsalvesh, Paulinyu, Edvards (Trinkau, 63).
«Ayntraxt»: Trapp, Yakich (Smolchich, 81), Ndika, Tuta, Pellegrini, Ebimbe (Knauff, 69), Sou, Kamada, Getse (Alidu, 90), Lindstrem (Rode, 46), Kolo-Muani (Borre, 80).
Ogohlantirishlar: Yakich (7), Kamada (14), Mateus Reys (35), Paulinyu (45), Sou (58), Inasiu (90), Pellegrini (90).

D guruhidagi yakuniy vaziyat quyidagicha ko‘rinishga ega bo‘ldi:


A guruhida esa «Liverpul» «Napoli» ustidan ishonchli g‘alabaga erishdi. Mersisaydliklar safida Muhammad Saloh va Darvin Nuneslar gol muallifiga aylandi.

Guruhning ikkinchi o‘yini «Ayaks» va «Reynjers» o‘rtasida kechdi. Amsterdamliklar Steven Bergeysning goli evaziga hisobni ochdi. 29-daqiqada Muhammad Kudus ikkinchi golni urdi. 87-daqiqada Jeyms Taverne penaltidan unumli foydalanib, hisobni qisqartirdi. Biroq oradan 2 daqiqa o‘tib, Fransishku Konsensau «Ayaks»ga ishonchli g‘alabani taqdim etuvchi gol muallifiga aylandi.

Neapolliklar A guruhini 15 ochko jamg‘argan holda 1-o‘rinda yakunladi. «Liverpul» ham xuddi shuncha ochko bilan 2-pog‘onani band etdi. «Ayaks» Yevropa Ligasida ishtirok etadigan bo‘ldi. «Reynjers» esa 0 ochko bilan guruh autsayderiga aylandi.

«Liverpul» – «Napoli» 2:0
Gollar: 1:0 – 85 Saloh, 2:0 – 90 Nunes.
«Liverpul»: Alisson, Aleksander-Arnold (Remzi, 87), van Deyk, Konate, Simikas, Milner (Elliott, 48), Tiago Alkantara (Baychetich, 87), Fabino, Jons (Nunes, 73), Firmino (Karvalyu, 87), Saloh.
«Napoli»: Meret, Di Lorenso, Estigor, Kim Min Chje, Olivera, Lobotka (Zelinski, 83), Zambo-Angissa, Ndombele (Raspadori, 87), Politano (Losano, 70), Osimhen (Simeone, 87), Kvarasxeliya (Elmaz, 83).
Ogohlantirishlar: Konate (36), Aleksander-Arnold (73), Nunes (90).

«Reynjers» – «Ayaks» 1:3
Gollar: 0:1 – 4 Bergeys, 0:2 – 29 Kudus, 1:2 – 87 Taverne (penalti), 1:3 – 89 Fransishku Konseysau.
«Reynjers»: Makgregor, Taverne, Sends, King, Barishich, Devis (Kamara, 60), Arfild (Louri, 84), Cholak (Morelos, 60), Kent (Matondo, 83), Sakala, Tillman (Rayt, 61).
«Ayaks»: Pasveyer, Sanches, Bassi, Timber, Veyndal (Rensx, 44), Alvares, Taylor (Grillich, 87), Kudus, Tadich, Bergeys (Klassen, 55), Bergveyn (Fransishku Konseysau, 88).
Ogohlantirishlar: Taylor (19), Rensx (55), Fransishku Konseysau (90).

A guruhidagi yakuniy vaziyat quyidagicha ko‘rinishga ega bo‘ldi:
“Zamin” yangiliklarini “Odnoklassniki”da kuzatib boring