“Roma” Yevropa ligasida guruh bosqichidagi eng muhim uchrashuvini o‘tkazadi. Joze Mourino shogirdlari to‘g‘ridan-to‘g‘ri pley-offga chiqish vazifasini uddalay olmagan va “Betis” o‘z guruhida birinchi o‘rin masalasini muddatidan oldin hal qildi.
Endi musobaqa reglamentiga ko‘ra, rimliklar ikkinchi o‘rinni o‘ziniki qilsa, Chempionlar ligasi guruh bosqichida uchinchi o‘rinni egallagan jamoalardan biri bilan o‘tish uchrashuvlarida to‘qnash keladi.
Buning uchun “bo‘rilar” ayni paytda ikkinchi o‘rinni egallab turgan Bolgariyaning “Ludogores” jamoasini mag‘lubiyatga uchratishi talab etiladi.
A Seriyaning so‘nggi uchrashuvida “Roma” futbolchilari “Verona” ustidan 3:1 hisobida g‘alaba qozongandi. Poytaxtliklarning g‘alabasini zaxiradan o‘yinga tushgan Kristian Volpato va Stefan El-Shaaravi ta’minlagandi.
Mourinoning ishongan hujumchisi Temmi Abraxam bir necha qulay vaziyatni ko‘kka sovurgan edi. Endi muhim uchrashuv oldidan portugaliyalik mutaxassis birinchi navbatda angliyalik hujumchiga alohida vazifa qo‘ydi.
Unga ko‘ra, Abraxam Eldor Shomurodov qilgan ish – “Ludogores” darvozasini ishg‘ol etishi talab qilinmoqda.
Esingizda bo‘lsa, Yevropa ligasining birinchi turida Bolgariyadagi uchrashuvda Eldor Shomurodov zaxiradan maydonga tushib, gol urgan va hisobni tenglashtirgan edi. Biroq, rimliklar oxirgi daqiqalarda yana gol o‘tkazib, mag‘lubiyatni tan olishga majbur bo‘lgandi.
Italiya futbolini yoritayotgani https://www.pagineromaniste.com saytining ma’lum qilishicha, Joze Mourino asosiy hujumchilar – Temmi Abraxam va Andrea Belotti bolgariyaliklar darvozasini ishg‘ol qila olmasa, ularni zaxiraga o‘tkazib qo‘yishini uqtirgan.
E’tibor bering, Temmi Abraxam A Seriyada 12 ta uchrashuvda maydonga tushib, jami 863 daqiqa o‘ynagan va o‘z hisobiga ikkita gol, bitta assist rasmiylashtirgan. Yevropa ligasida to‘rtta o‘yinda qatnashib, 266 daqiqa ichida bitta to‘p kiritgan.
Andrea Belottining ko‘rsatkichlari ham yulduz darajasidagi o‘yinchiga yarashmaydi. Italiya terma jamoasi hujumchisi milliy chempionatda to‘qqiz marotaba maydonga chiqqan va hali gollar hisobini ochgani yo‘q. Yevropa ligasida Belotti to‘rtta o‘yinda ikkita to‘p kiritdi.
Eldor Shomurodov A Seriyada besh marotaba, Yevropa ligasida ikki marta maydonga tushirildi va jami 85 daqiqa harakat qildi. Yuqorida keltirilganidek, legionerimiz “Roma”ning Yevropa ligasidagi ilk golini urgan.
Ko‘ramiz, Joze Mourino qo‘ygan talabni Abraxam va Belotti bajara olarmikin yoxud jamoani yana zaxira o‘yinchilari qutqaradimi? “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Donald Tramp 27 yoshli Karolin Levittni Oq uy matbuot kotibi etib tayinlamoqchi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
AQSH harbiylari orasida o‘z joniga qasd qilish ko‘paydi
AQSH Isroilning ikki vaziriga sanksiya qo‘llamoqchi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Jo Bayden: “Ba’zan xotinim meni kosmosga jo‘natish bilan tahdid qiladi”
Ayrim boshqaruv servis kompaniyalari shartnomalarida asossiz shartlar belgilangani aniqlandi
