Bilasiz, 20 noyabr kuni O‘zbekiston milliy terma jamoasi xalqaro o‘rtoqlik uchrashuvi o‘tkazadi. Unda vakillarimiz Rossiyaga qarshi maydonga tushadi. Qiziqarli bellashuv Toshkentdagi "Paxtakor" stadionida bo‘lib o‘tadi.
Shu bois, bugun har ikki jamoaning eng qimmat futbolchilari haqida ma’lumot berishga qaror qildik. Avvalo, mehmonlar haqida to‘xtalamiz.
Rossiya terma jamoasi "Transfermarkt" portalida 139 million yevroga baholanmoqda. Tarkibdagi eng qimmat futbolchi "Monako" vakili Aleksandr Golovin hisoblanadi. Liga 1 klubi sharafini himoya qiladigan futbolchining narxi 22 millon yevroga baholanmoqda.
"Krasnodar" klubi darvozaboni Matvey Safonov esa ruslarning eng qimmat 2-futbolchisidir. 23 yoshli kiperning narxi 16 million yevroni tashkil qiladi. "Dinamo" Moskvaning yetakchisi Arsen Zaxaryan esa 15 million yevro bilan kuchli uchlikni yakunlab bergan.
4-pog‘onada "Lokomotiv" yarim himoyachisi Dmitriy Barinov qayd etilgan bo‘lsa (11 million yevro), Rossiyaning eng yulduz futbolchilaridan Aleksey Miranchuk 10 million yevro bilan kuchli beshlikdan joy olgan.
Ammo Rossiya terma jamoasi bosh murabbiy Valeriy Karpin Toshkentdagi yig‘inga na Golovinni, na Miranchukni taklif qilgan. "Monako" va "Torino" futbolchilari ushbu yig‘inni o‘tkazib yuboradi.
O‘zbekiston terma jamoasi tarkibi "Transfermarkt" portali orqali 24,95 million yevroga baholangan. "Oq bo‘rilar"ning eng qimmat futbolchisi kutilganidek Eldor Shomurodov hisoblanadi. Uning narxi 8 million yevroni tashkil qiladi.
Turkiyaning "Karagyumruk" klubi yarim himoyachisi Otabek Shukurov ro‘yxatda ikkinchi o‘rinni egallab turibdi. Andrea Pirlo boshchiligidagi jamoa sharafini himoya qiladigan futbolchimizning umumiy narxi 2 million yevroga baholangan.
Uchinchi o‘rinda Qozog‘istonning "Tobol" klubi hujumchisi Igor Sergeyev qayd etilgan. 29 yoshli forvardning narxi "Transfermarkt" portalida 1,70 million yevro etib belgilangan. Odil Hamrobekov to‘rtinchi (1 million yevro), Ibrohimxalil Yo‘ldoshev esa 900 ming yevro bilan kuchli beshlikka yakun yasagan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Organizm o‘zini toksinlardan qanday tozalaydi?
20 yoshli o‘zbekistonlik qizni qarindoshi Turkiyaga sotib yubordi
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
Shols va Putin o‘rtasidagi suhbat Kiyevga signal bo‘ldi
Turkiyaning Harper's Bazaar nashri yil ayolini aniqladi (foto)
Buyrak salomatligi uchun eng foydali sabzavot...
Ayrim boshqaruv servis kompaniyalari shartnomalarida asossiz shartlar belgilangani aniqlandi
