UFC 281: Dastin Pore Maykl Chendlerga qarshi kechgan jangda uni boʻgʻish usuli bilan taslim etdi

AQShning Nyu-York shahridagi Madison Square Garden’da Oʻzbekiston vaqti bilan 13 noyabr tongida UFC 281 musobaqasi boʻlib oʻtdi.

Musobaqaning asosiy kardida promoushen engil vazn toifasining yorqin vakillari Dastin Pore (29-7) va Maykl Chendler (23-8) oʻzaro toʻqnash keldi.

Birinchi raundda har ikki yakkakurashchi bir-biriga zarbalar yoʻllashda faol boʻldi. Raund oxirida Pore raqibini muvozanatdan chiqarishga erishdi, biroq finish uchun vaqt etmadi.

Ikkinchi raund Chendler faollikni oshirdi va besh daqiqalikning katta qismini parterdagi ustunlik bilan oʻtkazdi. Uchinchi raundda ham Maykl raqibini parter holatiga olib oʻtmoqchi boʻldi, biroq Pore qulay vaziyatga ega boʻldi va raqibiga boʻgʻish usulini qoʻllab, taslim etdi.

pic.twitter.com/CBTyiQJJgH

— Shuxrat Razzakov (@ShuhratRazzakov) November 13, 2022

Qayd etish kerak, Chendler faoliyatida ilk bor sabmishen tufayli magʻlubiyatga uchradi.

Shu tariqa 11 oylik tanaffusdan keyin oktagonga qaytgan Dastin yorqin gʻalabaga erishdi. Pore 2021 yilning dekabrida titul uchun jangda Charlz Oliveyraga yutqazib qoʻygandi.

Chendler esa UFC’dagi beshinchi jangida uchinchi magʻlubiyatni qabul qilib oldi. Maykl bundan avvalgi jangini may oyida Tani Fergyusonga qarshi oʻtkazib, raqibini 2-raundda nokautga uchratgandi. “Zamin” yangiliklarini “Telegram”da kuzatib boring