“Roma” jamoasi Yaponiyada tashkil etilgan o‘quv-mashg‘ulot yig‘inini “Yokogama Farinos” futbolchilariga qarshi o‘tkazilgan o‘rtoqlik uchrashuvi bilan yakunlandi.
Gollarga boy bo‘lgan uchrashuvda 3:3 hisobida durang qayd etildi. Birinchi bo‘lim mezbonlar ustunligida o‘tdi. Joze Mourino tanaffusda bir necha o‘zgarishlar qilgani yakunda o‘z samarasini berdi.
Ikkinchi bo‘limda maydonga tushgan Eldor Shomurodov, Nikolo Dzanolo va Kristian Volpato o‘yindagi ustunlikni rimliklarga olib berdi. Oxir oqibat, ikki to‘p farqi bilan ortda qolayotgan “Roma” mag‘lubiyatdan qutilib qoldi.
Uchrashuvni kuzatib borgan https://www.romaforever.it sayti ekspertlari “Roma” futbolchilarining harakatlarini baholab chiqdi.
Svilar 5:
Bir necha xatoga yo‘l qo‘ydi. “Roma”ning yosh darvozaboni uchun o‘yin omadsiz kechdi.
Kumbulla 6:
Raqiga jiddiy qarshilik ko‘rsata oldi. Faol o‘ynadi.
Smolling 6:
Keng maydon bo‘ylab o‘ynashga urindi. O‘z darajasida harakat qildi.
Ibanes 7:
Eng zo‘r o‘ynagan futbolchilardan bo‘ldi. Gol urib, hisobdagi farqni qisqartirishga erishdi.
Chelik 5.5:
Raqibning uchta golidan ikkitasi turkiyalik futbolchining xatosidan keyin yuzaga keldi. Ishonchni oqlay olmadi.
Taxirovich 6:
Yosh futbolchi bahsni juda yaxshi boshladi. Lekin mushak to‘qimalarining shikastlanishi tufayli o‘yinni davom ettira olmadi.
Bove 6:
32-daqiqada Taxirovichning o‘rniga tushib, ancha faol harakat qildi. Maydon markazidan tashqari, himoyaga yordam berdi.
Matich 5.5:
Juda jo‘n va sekin harakat qildi.
Dzanolo 7:
Matichni o‘rniga ikkinchi bo‘limni boshlagan futbolchi o‘yinda o‘zgarish qila oldi. Shomurodov bilan bir birini tushunib o‘ynadi. Gol urib, rimliklarni kurashga qaytardi.
Kamara 6:
Juda ko‘p yugurdi, o‘z vazifasini uddaladi.
Missori 5.5:
Kutilgan o‘yinni namoyish etmadi.
Volpato 6.5:
Missori o‘rniga ikkinchi bo‘limdan boshlab harakat qilgan yosh futbolchi jamoadoshlarini qulay vaziyatga chiqardi. Dzanolo va Shomurodovga golli pas uzatdi.
El-Shaaravi 6:
Faol o‘ynadi, lekin samarali natija yo‘q. Bahsni ikkinchi markaziy hujumchi sifatida boshlab, keyin qanotdan hujum uyushtirishga urindi.
Abraxam 5:
Temmining xatosi yaponlarning birinchi goliga olib keldi. Bu mavsum o‘z darajasini ko‘rsata olmayapti.
Shomurodov 6:
Abraxamning o‘rniga maydonga tushib, bir taym o‘ynagan o‘zbek futbolchisi Dzanolo bilan yaxshi tandem hosil qildi. Nikoloni ikki marta qulay vaziyatga chiqardi. Lekin o‘zi ham bir necha vaziyatlarni barbod qildi. Shunga qaramay, o‘yin oxirida raqib darvozasini ishg‘ol qilib, jamoasini mag‘lubiyatdan qutqarib qoldi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron AQSHdan 1 trln dollar kompensatsiya talab qildi
Jo Bayden: “Ba’zan xotinim meni kosmosga jo‘natish bilan tahdid qiladi”
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Turkiyaning Harper's Bazaar nashri yil ayolini aniqladi (foto)
20 yoshli o‘zbekistonlik qizni qarindoshi Turkiyaga sotib yubordi
Shols va Putin o‘rtasidagi suhbat Kiyevga signal bo‘ldi
Rashida Tolib Kongress a’zolariga «achchiq haqiqat»ning suratini ko‘rsatdi
Ayrim boshqaruv servis kompaniyalari shartnomalarida asossiz shartlar belgilangani aniqlandi
