JCh-2022. Frantsiya Polshani engib, chorakfinalga yoʻl oldi (video)

^{Foto: BBC}
Bugun, 4 dekabr kuni Qatardagi jahon chempionatining 1/8 finalida Frantsiya va Polsha terma jamoalari keyingi bosqich yoʻllanmasini hal qildi.

Frantsuzlar hujumchisi Olive Jiru 44-daqiqada hisobni ochdi. Mbappening uzatmasini raqib darvozasi pastki oʻng burchagiga joylab qoʻydi.

Bu 36 yoshli futbolchi terma jamoa safida kiritgan 52-gol boʻldi. U Frantsiya milliy jamoasining eng yaxshi toʻpurari Terri Anri (51 gol)dan oʻzib ketdi.

74-daqiqaga kelib frantsuzlar tabloda oʻzlari uchun qulay hisobni qayd etishdi. Himoyadan tezkor qarshi hujum uyushtirildi, Dembelening uzatmasini Mbappe golga aylantirdi.

Ikkinchi boʻlimda, qoʻshib berilgan ilk daqiqada Mbappe Polsha darvozasini aniq nishonga olib dublga erishdi va mundialdagi gollari sonini beshtaga etkazib oldi.

Levandovski 90+9 daqiqada polyaklarning oʻyindagi ilk golini penaltidan kiritdi. Ishonchli gʻalaba frantsuzlarni pley-offga olib chiqdi.

Ularning raqibi bugun tunda (soat 23:59 da boshlanadi) Angliya va Senegal terma jamoalari oʻyinidan soʻng ma'lum boʻladi.

JCh-2022. 1/8 FINAL
Frantsiya — Polsha — 3:1
Gollar: Olive Jiru (44), Kilian Mbappe (74, 90+1) — Robert Levandovski (90+9, penalti).
Frantsiya: Loris, Kunde (Disasi, 90), Varan, Upamekano, Ernandes, Rabo, Tchuameni (Fofana, 66), Jiru (Tyuram, 76), Grizmann, Dembele (Koman, 76), Mbappe.
Polsha: Shchensni, Kesh, Glik, Kiver (Bednarek, 87), Bereshinski, Kaminski (Zalevski, 71), Frankovski (Grositski, 87), Krixovyak (Belik, 71), Zelinski, Shimanski (Milik, 64), Levandovski.
Ogohlantirishlar: Tchuameni (31) — Bereshinski (47), Kesh (88).
“Zamin” yangiliklarini “Telegram”da kuzatib boring