JCH—2022. Xorvatiya penaltilar seriyasida Braziliyani mag‘lub etib, yarim finalga chiqdi

Futbol bo‘yicha JCH—2022 chorak finalida Braziliya va Xorvatiya terma jamoalari 9 dekabr, juma kuni o‘zaro to‘qnash keldi.

Uchrashuvning asosiy bo‘limlarida darvozalar ishg‘ol etilmadi. Shu sabab jamoalar qo‘shimcha bo‘limlarga murojaat qildi. 105+1-daqiqada Neymar hisobni ochdi. 117-daqiqada esa Bruno Petkovich muvozanatni tikladi. Qo‘shimcha bo‘limlarda hisob 1:1 ko‘rinishida yakunlandi va g‘olib penaltilar seriyasida aniqlanadigan bo‘ldi.

Penaltilar seriyasida esa Xorvatiya 4:2 hisobida zafar quchdi. Shu tariqa xorvatlar yarim finalga yo‘llanmani qo‘lga kiritgan ilk jamoaga aylandi.

JCH—2022
1/4 final bahsi
Xorvatiya — Braziliya 1:1
Penaltilar seriyasi: 4:2
Gollar: 0:1 – 105+1 Neymar, 1:1 — 117 Petkovich.
Xorvatiya: Livakovich, Yuranovich, Lovren, Gvardiol, Sosa (Budimir, 110), Modrich, Kovachich (Maer, 105), Brozovich (Orshich, 114), Perishich, Pashalich (Vlashich, 72), Kramarich (Petkovich, 72).
Braziliya: Alisson, Militao (Aleks Sandro, 105), Tiago Silva, Markinos, Danilo, Kazemiro, Lukas Paketa (Fred, 105), Neymar, Risharlison (Pedro, 84), Rafinya (Antoni, 56), Vinisius Junior (Rodrigo, 64).
Ogohlantirishlar: Danilo (25), Brozovich (31), Kazemiro (68), Markinos (77) Petkovich (117). “Zamin” yangiliklarini “Instagram”da kuzatib boring