Kuchli beshlik chempionatlaridagi yagona futbolchimiz – Eldor Shomurodov faoliyatida yangi sahifa ochildi. “Roma”da o‘yin amaliyotisiz qolib ketgan legionerimiz oldida turli variantlar vujudga kelgan bo‘lsa-da, kutilmaganda “Spetsiya”ga ko‘chib o‘tdi.
Mutaxassislar bu transferni Eldor Shomurodov o‘zini kuchli beshlik chempionatlarida o‘ynay olishini yana bir karra isbotlash uchun yaxshi imkoniyat, deb baholamoqda. Darhaqiqat, hamyurtimiz yangi jamoasida asosiy hujumchi vazifasini bajaradi.
Eldorning yaqin kelajakdagi faoliyati qanday davom etishi uning mavsumni qolgan qismida qayd etadigan natijalari, o‘yinlari, gollariga bog‘liq.
Shomurodov “Spetsiya”dagi debyutini 5 fevral kuni “Napoli”ga qarshi bo‘ladigan bahsda nishonlashi kutilmoqda. Neapol klubi faoliyatini yoritib borayotgan https://www.calcionapoli24.it sayti futbolchimizning manfaatlarini himoya qilayotgan agentlardan biri German Tkachenko bilan bog‘lanib, transferga munosabat so‘radi.
Aslida o‘tgan yozda Eldor bo‘yicha ko‘p taklif bo‘lgandi. Lekin “Roma” bu takliflarning birortasiga e’tibor qaratmadi.
Kutib zerikdik va yanvarda ketishga qaror qildik. Italiya, Ispaniya, Germaniya va Angliyadan ko‘p takliflar tushdi.
Vaziyat taqozasidan kelib chiqib, “Spetsiya”ni tanladik. Shomurodov bor kuchini sarflashga jismonan tayyor. Uning kelajagi qanday bo‘lishini yozda ko‘rib chiqamiz va hammasini zarur paytda hal qilamiz. Hozir u ko‘proq o‘ynashni istayapti, - dedi German Tkachenko.
Yana bir manba - https://www.cittadellaspezia.com sayti “Spetsiya” bosh murabbiyi Luka Gotti o‘zbek hujumchini "Napoli"ga qarshi ilk daqiqalardan maydonga tushirishini yozmoqda. Chunki jamoaning asosiy to‘purari Mbala Nzola og‘ir jarohat olgan, Emanuel Gyasi esa diskvalifikatsiya tufayli jamoasiga yordam bera olmaydi.
Mazkur sayt jurnalisti Andrea Bonatti Eldor Shomurodov A Seriyada uzoq vaqt maydonga tushmaganiga e’tibor qaratdi.
Eldor o‘tgan yilning 9 noyabridan beri ligada o‘ynagani yo‘q. 2023 yilda ham “Roma”da birorta uchrashuvda qatnashmadi. Hatto “Spetsiya” bilan bo‘lgan bahsda ham ko‘rinish bermadi. Shunga qaramay, u ikki mavsum davomida faqat kovid tufayli atigi bir necha hafta shug‘ullanmadi xolos. Unda hech qachon jismoniy tayyorgarlik bo‘yicha muammo bo‘lmagan.
“Roma” o‘yinlarida kam ko‘ringaniga qaramay, O‘zbekiston milliy terma jamoasidagi vaziyat umuman boshqacha. 2021 yilning sentyabrida terma jamoa sardori etib tayinlangach, ketma-ket 17 ta bahsni boshlang‘ich tarkibda boshladi va jami 13 ta gol urdi. Shulardan ikkitasida “xet-trik” qayd etdi.
To‘g‘risini aytganda, “Spetsiya”ga aynan mana shunday xarakteristikaga ega hujumchi kerak edi. Eldor ichkaridan hujum qilish, hujum uyushtirish, jamoaviy o‘yin ko‘rsatish, jarima maydonchasi ichida samarali harakatlarni amalga oshirishga usta.
Endi “Napoli”ga qarshi uning yonida kim o‘ynashini hal qilish kerak. Hozircha, bu pozitsiyaga Daniele Verde, Daniel Maldini va Kevin Agudelo nomzodi bor. Gotti balki yangi hujumchi Raymonds Krollisga imkon berar, - deb yozmoqda Andrea Bonatti.
“Spetsiya” – “Napoli” uchrashuvi 5 fevral kuni Toshkent vaqti bilan soat 16:30 da boshlanadi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Jo Bayden: “Ba’zan xotinim meni kosmosga jo‘natish bilan tahdid qiladi”
Xatolar va mag‘lubiyatlar... ular kechiriladimi?
Donald Tramp 27 yoshli Karolin Levittni Oq uy matbuot kotibi etib tayinlamoqchi
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Apple dongdor ikki ayfonini rasman eskirgan deb e’lon qildi
Endi operatsiyadan so‘ng kesmalar o‘rni ikki barobar tezroq bitishi mumkin
Omega-3 qanday qilib ozishga yordam beradi?
