A Seriyaning 21-tur uchrashuvlari orasida “Spetsiya” va “Napoli” o‘rtasidagi bahs ko‘pchilikning e’tiborini qozondi. Eldor Shomurodov yangi jamoasidagi debyut uchrashuvini chempionlikka yaqin turgan peshqadam “Napoli”ga qarshi bahsda nishonladi.
Mazkur bellashuv "Napoli"ning yirik hisobdagi g‘alabasi bilan yakunlandi. Gollardan ikkitasi A Seriya to‘purari Viktor Osimxen va bittasi eng zo‘r assistent Xvicha Kvaratsxeliya hisobiga yozildi.
Bahs tarkib jihatidan ancha kuchli bo‘lgan neapolliklar ustunligida o‘tdi. Mezbonlar Xvichi Kvaratsxeliya va Viktor Osimxen juftligini to‘xtatishning uddasidan chiqa olmadi.
Biz uchun muhimi esa, Eldor Shomurodov noyabr oyining boshidan beri ilk bor chempionat o‘yinida maydonga tushdi.
Italiya futbolini yoritib borayotgan https://www.calciomercato.com sayti “Spetsiya” futbolchilarining “Napoli”ga qarshi uchrashuvdagi harakatlarini quyidagicha baholadi.
Bartlomey Dragovski 5,5:
Juda sust o‘ynadi. “Napoli”ning ikkinchi goli aynan darvozabonning qo‘pol xatosidan keyin yuzaga keldi.
Itan Ampadu 5,5:
Birinchi bo‘limda raqibni ta’qib qilishda tezligi pand berdi. Ikkinchi golda uning noaniq harakati Viktor Osimxenga qo‘l keldi.
Mattia Kaldara 4,5:
Juda bo‘sh o‘yin o‘tkazdi. Osimxenga hech qanday qarshilik ko‘rsata olmadi.
Dimitrios Nikolau 6:
Ancha ishonchli va faol harakat qildi. Bir vaziyatda darvozabn Dragovski bilan bir birini tushunmay qoldi.
Salvatore Espozito 5,5:
“Napoli” futbolchilariga qarshi turishi jismoniy tayyorgarligi pand berib qo‘ydi.
Kevin Agudelo 6:
90 daqiqa faol harakat qildi. Raqib himoyasini yorib o‘tishga urindi. Gol ura olganida o‘yin hisobini o‘zgartirishi mumkin edi.
Arkadiush Retsa 5,5:
Boshqalarga qaraganda ancha faol o‘ynadi. Lekin qo‘li bilan o‘ynagani penaltiga sabab bo‘ldi. Kvaratsxeliya bunday imkoniyatni boy bermadi.
Daniele Verde 5:
Kutilgan o‘yinni namoyish qila olmadi. Bir vaziyatda qulay pozitsiyada turgan Shomurodovga to‘pni oshirmadi. Harakatlari zoye ketdi.
Eldor Shomurodov 5,5:
Yangi jamoaga to‘liq moslashmay turib, darrov maydonga tushirildi. Hali jamoadoshlari bilan bir-birini to‘liq tushunmasligi ko‘rinib qoldi. Juda faol harakat qilgan bo‘lsa-da, bu gol urishi uchun kamlik qildi.
Luka Gotti 6:
Birinchi bo‘limda “Napoli”dek qudratli jamoaga qarshi tura olish bir qahramonlik. Tarkibdagi qator yo‘qotishlar bilan o‘ta kuchli raqibga teng kelib bo‘lmadi.
“Spetsiya” navbatdagi uchrashuvini 11 fevral kuni o‘tkazadi. Eldor Shomurodov jamoasi shu kuni “Empoli” mehmoni bo‘ladi. Bahs Toshkent vaqti bilan 19:00 da boshlanadi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Jo Bayden: “Ba’zan xotinim meni kosmosga jo‘natish bilan tahdid qiladi”
Xatolar va mag‘lubiyatlar... ular kechiriladimi?
Donald Tramp 27 yoshli Karolin Levittni Oq uy matbuot kotibi etib tayinlamoqchi
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Apple dongdor ikki ayfonini rasman eskirgan deb e’lon qildi
Endi operatsiyadan so‘ng kesmalar o‘rni ikki barobar tezroq bitishi mumkin
Omega-3 qanday qilib ozishga yordam beradi?
