Bugun finalda o‘ynaydigan ikkinchi jamoa nomi ma’lum bo‘ladi

Bugun Marokashda davom etayotgan klublar o‘rtasidagi jahon chempionatining ikkinchi yarim final uchrashuvi bo‘lib o‘tadi.

Final ostonasida Misrning “Al-Ahli” klubi Madridning “Real” klubiga qarshi maydonga tushadi. Ushbu o‘yin Toshkent vaqti bilan soat 00:00 da boshlanadi.

Eslatib o‘tamiz, kecha dastlabki yarim final juftligida Saudiya Arabistonining “Al-Hilol” klubi Braziliyaning “Flamengo” klubini 3:2 hisobida mag‘lubiyatga uchratgan holda ilk finalchiga aylangan edi.