“Real”: Anchelotti o‘rniga uch nomzod aniq!

“Real” katta ehtimol bilan joriy mavsumda chempionlik unvonini himoya qilmaydi. “Barselona” madridliklardan ancha o‘zib ketdi.
Qolaversa, jamoa bosh murabbiyi Karlo Anchelotti va rahbariyat munosabatlari buzilgan.

Klub mutasaddilari italiyalik mutaxassis o‘rniga uchta nomzod topib qo‘ydi. Unga ko‘ra, jamoani boshqarishga Zinedin Zidan uchinchi marotaba taklif etilishi mumkin. Fransiyalik mutaxassis 2021 yilda jamoani tark etganidan beri ishsiz yuribdi.

Yana bir nomzod “Real” o‘rinbosarlari bilan ijobiy natijalar qayd etayotgag klub afsonalaridan biri Raul Gonsalesdir.

Jamoada o‘ynab, nom qozongan Xavi Alonso ham ro‘yxatga kiritildi. Hozir bu mutaxassis Bundesligada “Bayer” futbolchilariga ustozlik qilmoqda. “Zamin”ni Telegramʻda oʻqing!