"Real" Madrid qanday qilib klublar o‘rtasida Jahon chempioniga aylandi? (video)

Futbol bo‘yicha Klublar o‘rtasidagi Jahon chempionati finalida “Real” 11 fevral, shanba kuni “Al-Hilol”ga qarshi bahs olib bordi.

Uchrashuvning 13-daqiqasida Vinisius Junior hisobni ochdi. Oradan 5 daqiqa o‘tib, Federiko Valverde madridliklarning ikkinchi goliga mualliflik qildi. 26-daqiqada esa Mussa Marega hisobni qisqartirdi.

Ikkinchi bo‘limda “qaymoqranglilar” faollikni oshirdi va 54-daqiqada Karim Benzema ham o‘z hisobiga gol yozdirib qo‘ydi. 58-daqiqada Valverde dublni rasmiylashtirdi. 63-daqiqada Luisano Vietto “Al-Hilol”ning ikkinchi golini urdi. 69-daqiqada Vinisius ham dubl qayd etdi. 79-daqiqada Vietto navbatdagi gol muallifiga aylandi.

Shu tariqa madridliklar 5:3 hisobida zafar quchib, klublar o‘rtasidagi Jahon chempioniga aylandi.

“Real” (Ispaniya) — “Al-Hilol” (Saudiya Arabistoni) 5:3
Gollar: 1:0 – 13 Vinisius Junior, 2:0 – 18 Valverde, 2:1 – 26 Marega, 3:1 – 54 Benzema, 4:1 – 58 Valverde, 4:2 – 63 Vietto, 5:2 – 69 Vinisius Junior, 5:3 – 79 Vietto.

“Real Madrid”: Lunin, Karvaxal (Valexo, 79), Alaba, Ryudiger, Kamavinga, Modrich (Nacho, 74), Kroos (Asensio, 74), Tchuameni (Sebalos, 62), Valverde, Benzema (Rodrigo, 62), Vinisius Junior.

“Al-Hilol”: Al Mayuf, Abdulhamid, Chan Hen Su, Al-Bulayhi, Ad-Dosari, Karrilo (Maykl Richard, 75), Kuelyar, Ad-Dosari (Ad-Dosari, 75), Kanno, Vietto (Hamddan, 87), Marega (Igalo, 86).

3-o‘rin uchun kechgan bahsda “Flamengo” “Al-Ahli”ni 4:2 hisobida mag‘lub etgandi. “Zamin” yangiliklarini “Facebook”da kuzatib boring