10:26 / 29.05.2016
4 983

Diego Simeone: «Futbolda adolat degan narsa yo‘q. Kim g‘olib chiqsa, shunga loyiq bo‘lgan»

Diego Simeone: «Futbolda adolat degan narsa yo‘q. Kim g‘olib chiqsa, shunga loyiq bo‘lgan»
«Atletiko» jamoasi bosh murabbiyi Diego Simeone EChL finalida «Real»dan qabul qilingan mag‘lubiyatdan keyingi fikrlarini bildirib o‘tdi, deyiladi "Kun" nashrida.

«Real»ni tabriklayman – ular yana bir marta kuchli ekanliklarini isbotlashdi, bu safar penaltilar seriyasida. Biz o‘yinni yomon boshladik, 20-daqiqadangina o‘z o‘yinimizni tashkil eta boshladik. Ikkinchi bo‘limning boshidayoq hisobni tenglashtirishimiz muhim edi, ammo nima bo‘lganini o‘zingiz ko‘rdingiz.

Qanday o‘yindagi mag‘lubiyat menga og‘irroq ta’sir qilishini aniq ayta olmayman. Hammasidan ham ko‘ra, bu erga bizning g‘alabamizni ko‘rish uchun kelgan va bunga katta pul sarflagan kishilarning ko‘z-yoshlarini ko‘rish og‘irroq. Men ularga dalda berish uchun so‘z topa olmasligimni his qilmoqdaman. Mana shunisi hammasidan ham alamliroq.

Tarixdan ayonki, ikkinchi bo‘lganlarni unutib yuborishadi. Ikkita finalni boy berish – bu katta muvaffaqiyatsizlik, kim g‘olib bo‘lsa u eng yaxshi hisoblanadi. Futbolda adolat otliq nimarsa yo‘q. Kim g‘olib chiqsa, u shunga loyiq o‘ynagan bo‘ladi. Mag‘lubiyatni esa hech narsa bilan oqlab bo‘lmaydi.

Raqib bu mavsumda eng yaxshisi deb topildi, chunki ular g‘olib bo‘ldi.

Endi men o‘ylashim va yana o‘ylashim kerak bo‘lgan vaqt keldi», – deydi Simeone.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » Diego Simeone: «Futbolda adolat degan narsa yo‘q. Kim g‘olib chiqsa, shunga loyiq bo‘lgan»