Joriy mavsum yakunlanishi bilan “Roma”da jiddiy o‘zgarishlar bo‘lishi mumkin. 2021 yildan beri jamoani boshqarayotgan Joze Mourinoga grand klublardan taklif bo‘lmoqda.
Footmercato nashrining ma’lum qilishicha, Joze Mourino yozda PSJni qabul qilib olishi mumkin. Parijliklar hozirgi bosh murabbiy Kristof Galtening ishidan qoniqmayapti. Jamoaning ichki muhiti ko‘ngildagidek emas. Futbolchilar murabbiyning professionallik darajasiga shubha qila boshladi.
PSJ xo‘jayinlari taklif etiladigan mutaxassislar ro‘yxatiga Joze Mourino ham qo‘shdi. Parij klubi sport direktori Luish Kampush hamyurtiga murojaat qilib, uni loyihaga qo‘shilishga da’vat eta boshladi.
Mutaxassislarning ta’kidlashicha, Joze Mourinoning Luish Kampush bilan do‘stona munosabatga ega ekani, PSJ murabbiylar shtabida shogirdlaridan biri ishlayotgani uning tanloviga ijobiy ta’sir qilishi mumkinligini ta’kidlamoqda.
PSJ xo‘jayinlari Mourinoning roziligini olganidan keyin bu ishni klublar darajasida ko‘rib chiqmoqda. Har ikki klub xo‘jayinlarining munosabati ancha yaxshiligi ishning oson ko‘chishiga xizmat qiladi.
Aslida Mourinoning rimliklar bilan shartnomasi 2024 yilning yozigacha tuzilgan. Portugaliyalik murabbiy oldiga joriy mavsum A Seriyada kuchli to‘rtlikdan joy olib, Chempionlar ligasiga yo‘llanmani qo‘lga kiritish vazifasi qo‘yilgan. Hozir Mourino shogirdlari uchinchi o‘rinda bormoqda.
Shunga qaramay, yozda jiddiy o‘zgarishlar bo‘lishi kutilmoqda. Agar PSJ rejasini amalga oshira olsa, “Roma”dan “Spetsiya”ga ijaraga berilgan Eldor Shomurodov Rimga qaytib kelganida Joze Mourino joyida bo‘lmasligi mumkin.
Eslatib o‘tamiz, Eldor Shomurodov 2021 yilning yozida aynan Joze Mourino tashabbusi bilan “Jenoa”dan “bo‘rilar” safiga ko‘chib o‘tgan edi. O‘shanda poytaxtliklar kuchli beshlik chempionatlaridagi ilk mavsumida raqiblar darvozasini sakkiz marotaba ishg‘ol qilgan legionerimiz uchun 18 million yevro to‘lagan.
“Roma”da Shomurodovning ishlari kutilganidek bo‘lmadi. Bir yarim mavsum davomida 48 marotaba maydonga tushgan futbolchimiz oltitadan gol va assist qayd etdi. Bu o‘yinlarning aksariyatida Eldor zaxiradan maydonga tushib, bir necha daqiqadan to‘p tepgan xolos.
Nihoyat, 2023 yilning yanvarida Shomurodov o‘yin amaliyotiga ega bo‘lish uchun boshqa jamoaga o‘tishga qaror qildi. “Roma” sport direktori Tyagu Pinto va bosh murabbiy Joze Mourino o‘zbek hujumchisini qo‘yib yuborishga rozilik berdi.
Shu tariqa, Eldor Shomurodov “Spetsiya”ning asosiy hujumchisiga aylanda va barcha uchrashuvlarni ilk daqiqalardan boshlamoqda.
“Spetsiya” va “Roma” klublari kelishuviga ko‘ra, Eldor Shomurodov mavsum yakunlanishi bilan Rimga qaytib borishi kerak. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Omega-3 qanday qilib ozishga yordam beradi?
Apple dongdor ikki ayfonini rasman eskirgan deb e’lon qildi
20 yoshli o‘zbekistonlik qizni qarindoshi Turkiyaga sotib yubordi
Kim Chen In harbiylarni jangovar holatda turishga chaqirdi
Xatolar va mag‘lubiyatlar... ular kechiriladimi?
Jo Bayden: “Ba’zan xotinim meni kosmosga jo‘natish bilan tahdid qiladi”
Shols va Putin o‘rtasidagi suhbat Kiyevga signal bo‘ldi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
