Italiya chempionatining 23-turida Eldor Shomurodov o‘ynayotgan “Spetsiya” jamoasi o‘z maydonida Turinning “Yuventus” jamoasini qabul qildi va 0:2 hisobida mag‘lub bo‘ldi.
Bu bahsni legionerimiz ilk daqiqalardan boshlab, butun bellashuv davomida faol harakat qildi. Eldor “Napoli” va “Empoli”ga qarshi o‘tkazilgan avvalgi ikki bellashuvga qaraganda yangi jamoasidagi uchinchi uchrashuvida yaxshiroq o‘ynadi.
Turin klubi himoyachilari Daniele Rugani va Danilo Shomurodov hujumlarini to‘xtatish va unga qarshi kurashda ancha ter to‘kishiga to‘g‘ri keldi. Hujumchimiz bir necha vaziyatlarda mashhur raqiblaridan ustunlik qilgan holatlar bo‘ldi.
“Spetsiya” va “Yuventus” uchrashuvida futbol tarixida kam kuzatiladigan vaziyat sodir bo‘ldi. Bellashuvda har ikki jamoa darvozasini qo‘riqlagan posbonlar – Mattia Perin va Federiko Marketti Eldor Shomurodov bilan birga bundan ikki yil muqaddam “Jenoa” sharafini himoya qilgan edi.
Uchrashuv boshlanishidan oldin, futbolchilar maydonga chiqish arafasida Eldor Shomurodov turinliklar darvozaboni Mattia Perin bilan alohida so‘rashgani shu bilan bog‘liq.
O‘yinda Eldor raqib darvozasiga xavf solib turdi. Bir vaziyatda italiyalik tajribali posbon Shomurodovning darvozaga to‘g‘ri yo‘llagan zarbasini ushlab qoldi.
Bu bahsda “Spetsiya” safida asosiy darvozabon Bartolomey Drongovskiy jarohat olgani bois, birinchi bo‘lim o‘rtalarida o‘rnini 40 yoshli Federiko Markettiga bo‘shatib berdi.
Eldor Shomurodov va uning jamoadoshi Federiko Markettiga tegishli ikkinchi qiziqarli ma’lumot shundan iboratki, italiyalik posbon A Seriyadagi so‘nggi uchrashuvini bundan qariyb ikki yil muqaddam – 2021 yilning 15 may kuni “Jenoa” safida o‘tkazgan ekan.
O‘shanda Marketti genuyaliklar o‘z maydonida “Atalanta”ga qarshi o‘tkazgan bahsida “jenoa” darvozasini qo‘riqlagan va to‘rtta gol o‘tkazib yuborgan. O‘sha bahsda ikkinchi bo‘limda zaxiradan maydonga tushgan Eldor Shomurodov bergamoliklar darvozasini ikki marotaba ishg‘ol qilgan edi. Bu Shomurodovning Italiyadagi faoliyati davomida hozircha yagona “dubli” bo‘lib turibdi.
Bellashuv 3:4 hisobida “Atalanta” foydasiga hal bo‘lgan.
Eldor Shomurodov “Jenoa”da o‘ynagan kezlari jami 32 ta uchrashuvda maydonga tushib, sakkizta gol va ikkita assist qayd etgan.
Keyingi mavsumda “Roma” o‘zbek futbolchisini 18 million yevro evaziga transfer qildi. Legionerimizning poytaxt “bo‘rilari” safidagi statistikasi 48 ta bellashuvda qayd etilgan oltitadan gol va golli pasdan iborat.
“Spetsiya” hujumchimiz uchun A Seriyadagi uchinchi jamoa hisoblanadi.
O‘z navbatida, 2020-2021 yilgi mavsumda “Jenoa”ni yuqori ligada saqlab qolgan darvozabonlar – Mattia Perin va Federiko Marketti Italiya futbolida ancha mashhur futbolchilardan. Ular o‘z davrida Italiya terma jamoasiga ham jalb etilgan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Omega-3 qanday qilib ozishga yordam beradi?
Apple dongdor ikki ayfonini rasman eskirgan deb e’lon qildi
20 yoshli o‘zbekistonlik qizni qarindoshi Turkiyaga sotib yubordi
Kim Chen In harbiylarni jangovar holatda turishga chaqirdi
Xatolar va mag‘lubiyatlar... ular kechiriladimi?
Jo Bayden: “Ba’zan xotinim meni kosmosga jo‘natish bilan tahdid qiladi”
Shols va Putin o‘rtasidagi suhbat Kiyevga signal bo‘ldi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
