Stranja—2023. O‘zbekistonlik bokschilarning 12 nafari keyingi bosqichga yo‘l oldi

^{Saidjamshid Ja’farov
Foto: IBA}
Bolgariyaning Sofiya shahrida boks bo‘yicha Stranja—2023 musobaqasining ikkinchi kungi janglari yakunlandi.

21 fevral kungi bahslarda 13 nafar o‘zbekistonlik bokschi qatnashdi. Janglardan birida o‘zbekistonlik bokschilar o‘zaro to‘qnash kelib qoldi. -71 kg vazn toifasida harakat qilayotgan o‘zbekistonliklar to‘qnashuvida Saidjamshid Ja’farov Iqboljon Xoldorovni mag‘lubiyatga uchratdi.

Bekzod Hamidovning (-67 kg) raqibi ringga ko‘tarilmadi va O‘zbekiston vakili avtomatik ravishda keyingi bosqichga yo‘l oldi. Qolgan janglar ham o‘zbekistonlik bokschilarning g‘alabasi bilan yakunlandi.

Abdumalik Halokov (-57 kg) Ekvador vakili Jan Kaysedoni taslim etdi (5:0);
Ruslan Abdullayev (-63,5 kg) Dmitriy Jashkevichni (EBK) mag‘ulubiyatga uchratdi (5:0);
Mujibillo Tursunov (-63,5 kg) gruziyalik Lasha Gagnidzedan ustun keldi (5:0);
Nurislom Ismoilov (-71 kg) jazoirlik Yachi Yusuf Islomni yengdi (5:0);
Saidjamshid Ja’farov (-71 kg) o‘zbekistonliklar to‘qnashuvida Iqboljon Xoldorovni mag‘lub etdi (5:0);
Mirazizbek Mirzaxalilov (-54 kg) irlandiyalik Dilan Iglesonni mag‘lub etdi (5:0);
Asadxo‘ja Mo‘ydinxo‘jayev (-67 kg) Argentina vakili Markos Joelni yengdi (5:0);
Bekzod Hamidovning (-67 kg) raqibi sog‘lig‘idagi muammo sabab ringga chiqmadi va O‘zbekiston vakili keyingi bosqichga yo‘l oldi;
Shahzod Muzaffarov (-54 kg) braziliyalik Pablo de Xesusdan ustun keldi (5:0);
Shohjahon Abdullayev (-86 kg) bolgariyalik Kristian Dimitrovni yengdi (3:2);
Odiljon Aslonov (-80 kg) Braziliya vakili Vanderley Pereyrani mag‘lubiyatga uchratdi (5:0);
Madiyor Saidrahimov (-92 kg) luksemburglik Mishel Yerpeldingni yengdi (5:0). “Zamin” yangiliklarini “Twitter”da kuzatib boring