Suriya U-20 terma jamoasi bosh murabbiyi Mark Votte ertangi O‘zbekistonga qarshi uchrashuvdan oldin fikrlari bilan o‘rtoqlashdi.
"Biz Toshkentda ekanligimizdan xursandmiz. Turnirgacha 8 ta o‘rtoqlik uchrashuvi o‘tkazdik. Ularda 5 marta g‘alaba qozonib, 3 marta mag‘lubiyatga uchradik. Maqsadimiz – terma jamoaga yaxshi o‘yinchilar yetkazib berish.
Biz oldimizga ikkita maqsad qo‘yganmiz. Yarim finaliga yetib borish va Jahon chempionatiga chiqish", – dedi Mark Votte.
- Suriyadagi zilziladan so‘ng futbolchilarning tiklanishi qanday bo‘ldi?
- Albatta, bu yomon holat. Ushbu avlod qiyin davrda o‘sgan va yer qimirlashi ham katta ta’sir o‘tkazdi. Men o‘yinchilarga 5 kun dam berdim va 2 kun oilalari davrasida bo‘lishdi.
- Suriya terma jamoasidan avval Marokash yoshlarini boshqargansiz. Bu terma jamoadagi ko‘p futbolchilar Jahon chempionatida harakat qildi. Bu borada nima deya olasiz?
- Qilgan mehnatlarimiz samara bergani quvonarli. Suriya futbolchilarini ham Yevropaga yuborish niyatimiz bor. Ularda salohiyat katta.
- Jamoani ko‘proq mahalliy futbolchilardan yig‘dingiz. Bu Jahon chempionatiga chiqish uchun yetarli bo‘ladimi?
- Suriyalik o‘yinchilar butun dunyoda bor. Biz Daniya, Rossiya, umuman, Yevropadan barcha o‘yinchilarni yig‘ishga harakat qildik. Mahalliy futbolchilar va legionerlarni uyg‘unlashtirdik. "Gerta"da o‘ynaydigan Mustafo Abdulativni chaqirdik.
- O‘zbekiston haqida fikringiz qanday? Kuchli va kuchsiz chiziqlari bormi?
- O‘zbekiston – mezbon va guruh favoriti. Birinchi raqibimiz ham aynan O‘zbekiston. Bu raqib bilan o‘yinga tayyormiz.
“Zamin” yangiliklarini “Odnoklassniki”da kuzatib boring
