Italiyaning Il Secolo XIX nashri jurnalistlari A Seriyaning 28-turidan o‘rin olgan “Spetsiya” va “Salernitana” o‘rtasidagi bahsni tomosha qilish uchun “Alberto Pikko” stadioniga kelgan 70 yoshli sobiq futbolchi Serxio Borgo bilan suhbatni e’lon qildi.
Serxio Borgo – italiyalik yarim himoyachi. Faoliyatini 1972 yili “Pro Patriya” jamoasida boshlagan. Keyinchalik bu futbolchi “Latsio”, “Fojjia”, “Pistoyeze”, “Rondinella” va “Spetsiya”da to‘p tepgan.
Liguriyaliklar safida 1985-1988 yillar davomida 83 ta uchrashuv o‘tkazgan.
Ayni paytda Borgo Gambiya va Senegaldagi futbol akademiyasini boshqarib, iste’dodli futbolchilarni tarbiyalabdi. Uning shogirdlaridan ikki nafari “Roma” va bittasi “Fiorentina”dan qo‘nim topgan.
Shomurodovdan bo‘lgan kutilmagan taklif haqida
Biz galereyani tomosha qilayotgan edik. Eldor Shomurodov bilan ko‘rishib qoldik. Biz Eldor bilan “Roma”da o‘ynagan davrdan beri tanishmiz. Rimlik boshqa futbolchilar bilan ham aloqamiz bor. Shomurodov bizdan Afrikaga qaytib ketishimizdan oldin uchrashuvni tomosha qilishga taklif etdi. Bu sovg‘ani bajonidil qabul qildik.
Shomurodov haqida
Eldor Shomurodov Sharqdan kelgan klassik o‘yinchi sifatida menga juda yoqadi. Ajoyib o‘ynay oladigan hujumchi. Biroq, u ancha kamtar, ehtiroslariga erk bermaydi, ba’zan bu uning ziyoniga ishlaydi. Lekin Shomurodov juda kuchli futbolchi.
Uchrashuv haqida
“Spetsiya” birinchi bo‘limda ziyon ko‘rdi. Keyin o‘yinning yarmida vaziyatni o‘ngladi, afsuski g‘alaba qozona olmadi. Darvoza to‘sini va ustuni g‘alabani to‘sib qo‘ydi. Raqib birinchi bo‘limda yaxshi o‘ynadi. O‘zini qutqara olgan va hisobda ortda borib, mag‘lubiyatdan qutilib qolishni uddalagan jamoani ko‘rdik.
Ikkinchi bo‘lim haqida
Omadsiz startdan keyin futbolchilar o‘zini qo‘lga olishni uddaladi. O‘yinchilar eng muhim pallada o‘zini o‘nglashga ulgurdi. Leonarda Semplichi to‘g‘ri yo‘llarni qo‘llay oldi.
Kevin Agudelo haqida
Kolumbiyalik o‘yinchi 20 daqiqa ichida raqibni bosib tashladi. Bu uni kuchli xarakteri evaziga uddaladi. Faolligi bilan jamoaning ishtiyoqini oshirib yubordi.
Daniel Maldini haqida
Gapni uzoqdan boshlayman. Uning bobosi menga Fodjada murabbiylik qilgan. O‘shanda “Latsio” meni ijaraga jo‘natgan edi. G‘oliblik, aqlu zakovat, viqor kabi sifatlar Maldinilar sulolasi qonida bor. Tarix bu sulola vakillarining salohiyatini isbotlab turibdi.
Danielda jismoniy kuch va texnika bor. Maydonda o‘zining muhim o‘yinchi ekanini ko‘rsata oldi. Jarima zarbasini qanday ijro etganiga bir qarang.
Leonardo Semplichi va muxlislar haqida
Jamoa o‘yinida murabbiyning hissasi katta va Semplichi “Spetsiya”ga yordam bera oladi. Davrlar o‘tadi, biz o‘zgaramiz. Lekin bu yerda muxlislarning sevimli jamoasi uchun o‘ynagan futbolchilar hech qachon unutilmaydi.
Darhaqiqat, “Spetsiya” va “Salernitana” o‘rtasidagi bahs 1:1 hisobida durang bilan yakunlandi. Mezbonlarni mag‘lubiyatdan qutqarib qolgan golga Serxio Borgoni uchrashuvni stadiondan tomosha qilishni taklif etgan Eldor Shomurodov kiritdi.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Organizm o‘zini toksinlardan qanday tozalaydi?
Rashida Tolib Kongress a’zolariga «achchiq haqiqat»ning suratini ko‘rsatdi
Shimoliy Koreya Rossiyaga uzoqqa zarba beruvchi qurollar yubordi
Ijtimoiy tarmoqlar davrida ruhiy salomatlikni qanday saqlash mumkin?
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
KXDR Rossiyaga 100 minggacha harbiy yuborishi mumkin
Eron AQSHdan 1 trln dollar kompensatsiya talab qildi
Turkiya Isroil prezidenti samolyotini havo hududiga kiritmadi
