255
Britaniyalik ekspert: Oybek Jo‘rayev hurmatga loyiq, jangdagi natija uning qo‘lida emas...
Xabaringiz bor, Toshkent shahrida boks bo‘yicha jahon chempionati bo‘lib o‘tmoqda. 12 may kuni musobaqaning yarim final janglarida 9 nafar o‘zbekistonlik charm qo‘lqop ustalaridan 7 tasi final yo‘llanmasini qo‘lga kiritdi.
-54 kg vaznda ishtirok etayotgan Oybek Jo‘rayev rossiyalik Dmitriy Dvaliga qarshi bahs olib bordi va 5:2 hisobida g‘alabaga erishdi. Oybek Jo‘rayev hozirga qadar 4 jang o‘tkazib, unda qiyin raqiblar - Tamir Galanov (Serbiya - jahon chempionati sovrindori), Gabriyel Eskobar (Ispaniya - Yevropa chempioni) kabi raqiblar to‘sig‘idan muvaffaqiyatli o‘tdi, ammo ko‘pchilik boks muxlislari Jo‘rayevning janglariga tanqidiy fikrlar bildirmoqda.
Aslida ushbu vaznda Mirazizbek Mirzahalilov musobaqada ishtirok etishi belgilangan va u dastlabki ro‘yxatga kiritilgan edi. Mirzahalilov bir yarim yil oldin, tanaffusda bo‘lgan vaqtida IBA'ning doping nazorat ro‘yxatidan tushib qolgani bois, u IBA tomonidan tasdiqdan o‘tmadi va qisqa muddatda Oybek Jo‘rayev bilan almashtirilgandi.
Britaniyalik tahlilchi, jurnalist va murabbiy Teylor O‘Higgins bevosita havaskor boks, o‘zbek boksini ham muntazam kuzatuvchisi hisoblanadi. Teylor Jo‘rayevning jangiga o‘z munosabatini bildirib o‘tdi.
- Jo‘rayev hurmatga loyiq! U Ahmadaliyev, Mirzahalilov kabi bokschilar soyasida o‘z navbati kelishini sabr bilan kutib, qisqa muddatda tarkibga kirishiga to‘g‘ri keldi. U Mirzahalilovning ishtirok etmayotganida yoki chorak finalda hakam Gabriyel Eskobardan 2 ochko olib tashlagani uchun ayblanishi kerak emas. U yarim finalda rossiyalik kuchli raqibini mag‘lub etib, o‘z faoliyatidagi eng katta g‘alabalaridan birini qo‘lga kiritdi. Ba’zilar bu jang natijasidan norozi bo‘lishi mumkin, men esa bu bahs juda yaqin bo‘lganini va har ikkala tomonga ham ketishi mumkinligini aytmoqchiman. Jo‘rayev 1-raundni, Dvali 3-raundni o‘z foydasiga hal qildi va jangning asosiy natijasi 2-raunddagi harakatlarga tayaniladigan bo‘lib qoldi. Bu raundda har ikkalasi ham omadli zarbalar yo‘lladi, Dvali asosan ko‘zga ko‘rinarli, Jo‘rayev esa bosh va tanaga ochkoli aperkotlar.
Texnik va taktik ustunlik baholash mezonlarining bir qismi bo‘lib, teng jangda ochko berish kimning mahoratliroq harakat qilganiga bog‘liq. Jo‘rayevning oyoq harakati va texnikasi bunda muhim rol o‘ynagan bo‘lardi, bokschiga yetkazilgan zarar yagona omil emas. Final jangida barcha o‘zbek muxlislari uni jahon chempioni bo‘lish orzusi yo‘lida qo‘llab quvvatlaydi, degan umiddaman.
Jang natijasi hisoblarda qanday bo‘lishiga (hakamlar ishiga) bokschi javobgar emas. U yaxshi jang o‘tkazdi, jang so‘nggida raqibiga hurmat ko‘rsatdi. U nima uchun tanqid qilinayotganini esa tushuna olmadim...
Men odatda bokschini 2 ta vaziyatda ayblayman. A) agar u ringda nomaqbul harakatlar qilsa, b) xuddi Latipov Jalolovga qarshi turnir boshidagi jangidagi kabi, imkoniyati bo‘lib turib g‘alaba uchun harakat qilmasa. Boshqa holatlar esa bokschining qo‘lida emas..., - deydi u SPORTS.uz sayti muhbiri bilan suhbatda.
Eslatib o‘tamiz, Oybek Jo‘rayev 14 may kuni jahon chempionati final jangini yana bir qiyin raqib, qozog‘istonlik Mahmud Sabirxanga qarshi o‘tkazadi.
Jalol Axmedov suhbatlashdi
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
Erdo‘g‘on davlat to‘ntarishi ehtimoli sababli tunda favqulodda yig‘ilish o‘tkazdi
Jizzaxda uchta yuk mashinasi ishtirokida YTH sodir bo‘ldi
Ukraina prezidenti mahbuslarni safarbar qilish to‘g‘risidagi qonunni imzoladi
“Roma” Shomurodov uchun yana 8 million yevro xarajat qiladi!
D vitamini dozasini oshirib yuborishning xavfli oqibatlari
Surxondaryo viloyatida ayiq IIB xodimiga jarohat yetkazdi
“O‘zgidromet” kelasi hafta boshida kuzatiladigan ob-havo prognozini e’lon qildi