“Inter” javob o‘yinida ham “Milan”ni mag‘lub etib, final yo‘llanmasiga ega bo‘ldi (video)

Futbol bo‘yicha Yevropa Chempionlar Ligasining yarim final javob bahsida “Inter” va “Milan” jamoalari 16-may, seshanba kuni o‘zaro to‘qnash keldi.

Uchrashuvdagi yagona gol 74-daqiqada “Inter” hujumchisi Lautaro Martines tomonidan urildi.

Shu tariqa “Inter” har ikki o‘yinda g‘alaba qozonib, final yo‘llanmasiga ega chiqdi. Dastlabki o‘yinda “nerazzuri” 2:0 hisobidagi g‘alabani qo‘lga kiritgandi.

Simone Inzagi shogirdlari hal qiluvchi bahsda “Manchester Siti” — “Real” juftligi g‘olibi bilan kuch sinashadi.

YCHL

Yarim final, javob bahsi

“Inter” (Italiya) – “Milan” (Italiya) 1:0

Gol: 1:0 – 74 Martines.

“Inter”: Onana, Dumfris, Darmian, Acherbi, Bastoni, Dimarko (Gozens, 66), Mxitaryan (Brozovich, 44), Chalxono‘g‘lu, Barella (Galyardini, 84), Jeko (Lukaku, 66), Martines (Korrea, 84).

“Milan”: Menyan, Kalabriya, Tomori, Tiav (Kalulu, 64), Ernandes, Krunich, Braim Dias (Origi, 76), Tonali, Rafael Leau, Messias (Salemakers, 76), Jiru.

Ogohlantirishlar: Tiav (56), Barella (79), Tonali (79), Krunich (81), Tomori (82), Martines (82).

Dastlabki o‘yin: 2:0