Futbol yulduzi Krishtianu Ronalduning 2022 yili Qatarda o‘tkazilgan jahon chempionatidan keyin kutilmaganda Yevropa futbolidan voz kechib Saudiya Arabistonining “An-Nasr” jamoasiga ko‘chib o‘tgani hamon keng muhokamayu munozaralarga sabab bo‘lmoqda.
Ronalduning boshqa qit’aga ko‘chib o‘tishiga mundial vaqtida "Manchester Yunayted" rahbariyatining tajribali hujumchi bilan xayrlashishga qaror qilgani turtki bo‘ldi. Manchesterliklar Ronalduning matbuotda chiqish qilib, klub rahbariyati va bosh murabbiy Erik ten Xagni keskin tanqid qilgani ortidan shartnomani bekor qildi.
Ayrim mutaxassislar Ronalduning “An-Nasr”ga o‘tishi butun Osiyo qit’asida futbolning yanada ommalashuvi va rivojlanishiga ijobiy ta’sir ko‘rsatishini ta’kidlamoqda. Ronalduning bu transferga rozilik bergani Yevropada porlagan va hozir ham yulduz darajasida yurgan mashhur futbolchilarni olib kelishga poydevor bo‘lmoqda.
Arab klublari Ronaldudan keyin katta klublarning taniqli o‘yinchilariga og‘iz sola boshladi. Xususan, “An-Nasr”ning ashaddiy raqibi “Al-Hilol” portugaliyalik yulduz bilan 15 yildan ortiq vaqt mobaynida raqobatlashib kelayotgan Lionel Messini o‘z safiga chorlayotgani va amaldagi jahon chempioniga 400-500 millionlab yillik maosh taklif qilayotgani haqidagi ma’lumotlar tobora ko‘payib bormoqda.
“An-Nasr” prezidenti Muhammad al-Muammar vaqt o‘tishi bilan Krishtianu Ronaldu transferidan ko‘zlangan asosiy maqsadni oshkor qildi.
- Biz Krishtianu Ronaldu bilan o‘yinchi sifatida shartnoma tuzishdan tashqari, uning shaxsiy tijoriy huquqlarini ham qo‘lga kiritdik. Bu huquqlar joriy mavsum yakunlanishi bilan kuchga kiradi va mamlakatda turizm hamda boshqa qator sohalarning rivojlanishiga ijobiy ta’sir ko‘rsatadi.
Vaqt yetishmasligi hamda sport musobaqalarining tig‘iz taqvimi tufayli biz “An-Nasr”ning Ronaldu bilan shartnomasining o‘ziga xos jihatlarini ko‘rsata olmadik.
“An-Nasr”ning media markazi va kommunikatsiyalarga mas’ul bo‘limi oddiy xabarlarni tarqatish bilan shug‘ullanyapti xolos.
Men “An-Nasr” futbolchilariga har doim bir gapni ta’kidlayman: “Yoningizda Krishtianu Ronaldu o‘ynayotganidan unumli foydalanib qoling, o‘zingizni ko‘rsating, chunki uchrashuvlarimizni muntazam ravishda 50 dan ortiq telekanallar to‘g‘ridan to‘g‘ri translyatsiya qilyapti”, - dedi Muhammad Al-Muammar.
Ma’lumki, “An-Nasr” jamoasida O‘zbekiston milliy terma jamoasi yetakchilaridan Jaloliddin Masharipov ham to‘p tepmoqda. Legionerimiz jamoaga Krishtianu Ronaldu kelgunga qadar 7-raqamda o‘ynardi.
Jaloliddin Masharipov portugaliyalik yulduzga uning sevimli raqamini bo‘shatib berdi va o‘zi 77-raqamni tanladi.
Krishtianu Ronalduning “An-Nasr” bilan amaldagi shartnomasi 2025 yilning 30 iyunigacha tuzilgan va portugaliyalik yulduz har mavsum uchun 200 million yevro maosh olishi belgilangan.
“An-Nasr”ga kelganidan beri Krishtianu Ronaldu Saudiya Arabistoni chempionatida 14 marotaba maydonga tushib, raqiblar darvozasini 13 marta ishg‘ol qildi va jamoadoshlariga bir juft golli pas uzatdi.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron AQSHdan 1 trln dollar kompensatsiya talab qildi
Turkiya Isroil prezidenti samolyotini havo hududiga kiritmadi
Kim Chen In harbiylarni jangovar holatda turishga chaqirdi
Ijtimoiy tarmoqlar davrida ruhiy salomatlikni qanday saqlash mumkin?
Shimoliy Koreya Rossiyaga uzoqqa zarba beruvchi qurollar yubordi
Rashida Tolib Kongress a’zolariga «achchiq haqiqat»ning suratini ko‘rsatdi
KXDR Rossiyaga 100 minggacha harbiy yuborishi mumkin
Tyumen oblastiga O‘zbekistondan mehnat migrantlari ishga jalb qilinadi
