Foto: Getty images
Lionel Messi «Inter Mayami»ga o‘tayotganini tasdiqladi.
«Mayamiga ko‘chib o‘tishga qaror qildim. Kelishuv 100% hal qilinganmi yoki nimadir yetishmayaptimi, hali ishonchim komil emas. Lekin faoliyatimni MLSda davom ettirishga qaror qildik», — deya hujumchining so‘zlarini keltiradi Diario Sport.
Messi «Inter Mayami»ga o‘tishida pul asosiy omil bo‘lmaganini aytdi.
«Aslida moliyaviy masalalar men uchun hech qachon muammo yoki to‘siq bo‘lmagan. Biz «Barsa» bilan shartnomani muhokama qilmadik. Hech qanday rasmiy, yozma taklif yo‘q edi. Hech narsa yo‘q edi. Niyat bor edi, lekin oldinga siljiy olmadik, pul haqida ham rasman gaplashmadik.
Agar gap pulda bo‘lsa, Arabistonga yoki boshqa joyga ketardim. Saudiyaliklarning taklifi menga juda katta puldek tuyuldi va haqiqat shuki, qarorim pul emas, boshqa sabablarga ko‘ra qabul qilindi», — deya Messining so‘zlarini keltiradi Diario Sport.
Avvalroq argentinalik futbolchining sobiq klubi «Barsa» undan kutishni so‘ragani, Saudiya Arabistoni variantini esa Leoning oilasi ma’qullamagani haqida xabar qilingandi.
Ma’lumot uchun, angliyalik sobiq futbolchi Devid Bekhem «Inter Mayami»ning egalaridan biri sanaladi. Klub MLS sharqiy mintaqasida 16 o‘yindan keyin 15 ochko bilan so‘nggi 15-o‘rinni egallab turibdi.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Turkiya Isroil prezidenti samolyotini havo hududiga kiritmadi
Dunyoning mashhur ayollari kunni qanday boshlaydi?
Omega-3 qanday qilib ozishga yordam beradi?
Global ochlik va qashshoqlikka qarshi kurash alyansiga 82 mamlakat a’zo bo‘ldi
Tyumen oblastiga O‘zbekistondan mehnat migrantlari ishga jalb qilinadi
Ijtimoiy tarmoqlar davrida ruhiy salomatlikni qanday saqlash mumkin?
KXDR Rossiyaga 100 minggacha harbiy yuborishi mumkin
