“Inter Mayami” Lionel Messi transferini e’lon qildi

^{Foto: “Inter Mayami”}

Xabaringiz bor Lionel Messi faoliyatini MLS'da davom ettiradi. Yangi klubi “Inter Mayami” argentinalik futbolchining transferini rasman e’lon qildi. Unga atab namoyish qilingan videodan ma’lum bo‘ladiki, Messi yangi jamoasida 10-raqamda harakat qiladi.

“Ha, do‘stlar. Mayamida ko‘rishamiz”, — deydi Leo videoda.

Ma’lumot uchun: 35 yoshli argentinalik so‘nggi ikki mavsumini “PSJ” safida o‘tkazdi. O‘tgan mavsum barcha musobaqalarda 41 ta o‘yin o‘tkazib, 21 ta gol va 20 ta golli uzatmaga mualliflik qilgan edi.

Shuhrat Razzakov

«ZAMIN.UZ» muharriri