Futbol bo‘yicha Germaniya Bundesligasining 1-turida “Bavariya” 18 avgust, juma kuni “Verder”ga qarshi bahs olib bordi.
Uchrashuvning 4-daqiqasidayoq hisob ochildi. Harri Keynning uzatmasini Leroy Sane golga aylantirdi. Birinchi bo‘lim myunxenliklarning kichik ustunligi bilan yakunlandi.
Ikkinchi bo‘limda ham mehmonlar xavfli hujumlarni davom ettirdi. 74-daqiqada Keyn chempionatdagi debyut golini urdi. O‘yin yakunida esa Myunxen klubi yana ikkita golni raqib darvozasiga joyladi. Bu safar Sane dublni rasmiylashtirgan bo‘lsa, yana bir gol Matis Tel nomiga yozildi.
Shu tariqa “Bavariya” chempionatni yirik g‘alaba bilan boshladi.
Bundesliga
1-tur bahsi
18 avgust, juma
“Verder” – “Bavariya” 0:4
Gollar: 0:1 – 4 Sane, 0:2 – 74 Keyn, 0:3 – 90 Sane, 0:4 – 90 Tel.
“Verder”: Pavlenka, Vayzer (Berk, 59), Velkovich, Fridl, Piper, Yung (Opis, 79), Bitenkur (Shmid, 68), Linen (Gross, 68), Stage (Kovnaski, 79), Fyullkrug, Duksh.
“Bavariya”: Ulrayx, Mazraui, Upamekano, Kim Min Chje (de Ligt, 68), Devis, Goretska (Laymer, 79), Kimmix, Koman (Shupo-Moting, 84), Sane, Musiala (Myuller, 84), Keyn (Tel, 84).
Ogohlantirishlar: Duksh (20), Kim Min Chje (55), Linen (56).
“Zamin” yangiliklarini “Instagram”da kuzatib boring
