Yozda PSJ bilan xayrlashib, AQSHning “Inter Mayami” jamoasiga ko‘chib o‘tgan Lionel Messi yana Yeropaga qaytishi mumkin.
Inter Miami FC Hub vakillarining xabar berishicha, agar “Inter Mayami” chempionatning pley-off bosqichiga chiqa olmasa, argentinalik yulduz Yevropa jamoalaridan biriga qisqa muddatli ijaraga berilishi rejalashtirilmoqda.
“Inter Mayami” MLSning sharqiy mintaqasida 15 ta jamoa orasida 33 ochko bilan 14-pog‘onani egallab turibdi. Mutaxassislarning ta’kidlashicha, “Inter Mayami”ga pley-off yo‘llanmasini qo‘lga kiritish oson bo‘lmaydi.
Lionel Messi “Inter Mayami” klubi bilan 2025 yilning dekabrigacha davom etadigan shartnoma imzolagan. Messi yangi jamoasida barcha turnirlarda 12 ta o‘yin o‘tkazib, 11 ta gol va 5 ta assist qayd etdi.
“Zamin” yangiliklarini “Twitter”da kuzatib boring
