Parijda 2023 yil uchun «Oltin toʻp» sovrinini topshirish marosimi boʻlib oʻtdi. Unda jahonning eng yaxshi futbolchisi va yana bir qator nominatsiyalarda gʻoliblar aniqlandi.
Asosiy mukofot «Inter Mayami» klubi va Argentina milliy jamoasi hujumchisi Lionel Messiga nasib etdi.
36 yoshli hujumchi oʻtgan mavsumda milliy jamoasi bilan jahon chempionatida zafar quchdi va turnirning eng yaxshi oʻyinchisi deb topildi.
Shuningdek, Leo «PSJ» safida Liga 1da chempion boʻldi, Mayami klubi bilan MLS Liga Kubogida gʻolib chiqdi.
Shu tariqa Messi faoliyatida 8-bor jahonning eng yaxshi oʻyinchisiga aylandi. Bu — rekord.
Top-5dan «Manchester Siti»ning norvegiyalik hujumchisi Erling Holand (2), «PSJ»ning frantsiyalik vingeri Kilian Mbappe (3), «Manchester Siti»ning belgiyalik havbeki Kevin de Bryuyne (4) va ispaniyalik tayanch yarimhimoyachisi Rodri (5) ham oʻrin oldi.
Marosimda yana bir qator nominatsiyalarda gʻoliblar e'lon qilindi:
Eng yaxshi ayol futbolchi — Aytana Bonmati («Barselona» / Ispaniya)
Yilning eng yaxshi klubi — «Manchester Siti» (Angliya)
Yilning eng yaxshi ayollar jamoasi — «Barselona» (Ispaniya)
Mavsumning eng yaxshi yosh futbolchisi — Jud Bellingem («Real»/Angliya)
Mavsumning eng yaxshi darvozaboni — Emiliano Martines («Aston Villa»/Argentina)
Mavsumning eng yaxshi hujumchisi — Erling Holand («Manchester Siti»/Norvegiya)
Insonparvalik yordami uchun Sokratis sovrini — Vinisius Junior («Real»/Braziliya)
“Zamin” yangiliklarini “Telegram”da kuzatib boring
