“Inter Mayami” yulduzi Lionel Messi muxlislarni jamoaning MLS pley-off bosqichiga chiqa olmagani uchun umidsizlikka tushmaslikka chaqirdi.
Sakkiz karra “Oltin to‘p” sohibi yangi mavsumda “Inter Mayami”ga sovrinlarni olib berishni va’da qildi.
- Biz futboldan bahra olish va sovrinlarni yutishda davom etamiz. Muxlislar men kelgan ilk paytlardagidek, bundan keyin ham biz bilan birga bo‘ladi, degan umiddamiz.
Bundan keyin hammasi yaxshi bo‘lishiga ishonchim komil. Ayniqsa, kelasi mavsum boshqacha bo‘ladi. Meni Mayamida iliq kutib olishgani uchun ishqibozlarga rahmat, - dedi Lionel Messi.
Argentinalik yulduz “Inter Mayami”ga ko‘chib o‘tganidan keyin barcha turnirlarda 14 ta uchrashuv o‘tkazib, o‘z hisobiga 11 ta gol va beshta assist rasmiylashtirdi.
“Zamin” yangiliklarini “Twitter”da kuzatib boring
