Jahon chempionati saralashi 1-turidan o‘rin olgan Turkmaniston - O‘zbekiston uchrashuvi bo‘lib o‘tdi. Unda hamyurtlarimiz 3:1 hisobida g‘alaba qozondi.
Birinchi bo‘lim yakunida Turkmaniston terma jamoasining 4-raqamli futbolchisi Meylis Durdiyev darvozamizning yaqin burchagini aniq nishonga olib hisobni ochdi.
Ikkinchi bo‘limda vakillarimz ketma-ket hujum uyushtirdi. 57-daqiqada termamiz sardori Eldor Shomurodovning uzatmasidan so‘ng Otabek Shukurov o‘yinda muvozanatni tiklagan bo‘lsa, 77-daqiqada Shukurov dublni rasmiylashtirdi. Bu golga ham Shomurodov assistentlik qildi. Uchrashuv so‘ngida Shukurovning super pasidan keyin Shomurodov ham raqib darvozasini ishg‘ol qildi - 1:3.
Shu tariqa, Katanes shogirdlari safarda ishonchli g‘alaba qozondi.
JCH-2026 va Osiyo Kubogi-2027 qo‘shma saralash bosqichi
TURKMANISTON – O‘ZBЕKISTON - 1:3
Gollar: Meylis Durdiyev 44, - 1:0. Otabek Shukurov 57, - 1:1 (Eldor Shomurodov). Otabek Shukurov 77, - 1:2 (Eldor Shomurodov). Eldor Shomurodov 90+1, - 1:3 (Otabek Shukurov).
Turkmaniston: 23.Raxat Japarov, 2.Guychmurat Annaguliyev, 3.Shohrat Soyuunov, 4.Meylis Durdiyev (6.Alibek Abdurahmonov, 78), 8.Ruslan Mingazov (14.Sanazar Tirkisov, 78), 10.Elman Tagayev (9.Murat Annayev, 88), 13.Velmurat Ballakov (20.Selim Nurmiradov, 61), 15.Abdi Bashimov, 17.Altinmurat Annadurdiyev (7.Arslanmirat Amanov, 61), 18.Yazgilich Gurbanov, 21.Teymur Chariyev.
Zaxira: 1.Rasul Chariyev, 16.Rustem Ahalliyev, 5.Ata Geldiyev, 11.Didar Durdiyev, 12.Ibraim Mammedov, 19.Rovshengeldi Halmammedov, 22.Ilya Tamurkin.
O‘zbekiston: 1.O‘tkir Yusupov, 3.Hojiakbar Alijonov (13.Sherzod Nasrullayev, 75), 4.Farruh Sayfiyev, 5.Rustam Ashurmatov, 7.Otabek Shukurov, 9.Odilbek Hamrobekov, 11.Oston O‘runov (22.Abbos Fayzullayev, 55), 14.Eldor Shomurodov (6.Azizbek G‘aniyev, 90+3), 15.Abduqodir Husanov, 19.Azizbek Turg‘unboyev (21.Igor Sergeyev, 55), 23.Husniddin Aliqulov.
Zaxira: 12.Valijon Rahimov, 16.Botirali Ergashev, 2.Alibek Davronov, 8.Jamshid Iskanderov, 10.Jasur Yaxshiboyev, 17.Bobir Abdixoliqov, 18.Abdulla Abdullayev, 20.Hojimat Erkinov.
Ogohlantirishlar: Odiljon Hamrobekov 35, Abdi Bashimov 66.
“Zamin” yangiliklarini “Telegram”da kuzatib boring
