Rossiya Premer-ligasi birinchi davrasining asosiy kashfiyoti sifatida e’tirof etilgan Abbosbek Fayzullayevning Yevropaga ketish imkoniyati eng ko‘p muhokama qilinayotgan mavzulardan hisoblanadi.
16-turda legionerimiz “Dinamo” darvozasini ishg‘ol qilgani va yana bitta golli pas uzatganidan keyin rossiyalik jurnalistlar Abbosdan intervyu oldi. Fayzullayev kelajakda qaysi jamoada o‘ynamoqchi ekani haqidagi savolga ham javob berishiga to‘g‘ri keldi.
Bolaligidan “Barselona”ga muxlislik qilayotgan Abbosbek Fayzullayev kelajakda aynan kataloniyaliklar safida to‘p tepishni orzu qilishini aytganidan keyin bu mavsum muhokamasi yanada ko‘paydi.
O‘z davrida SSKA va “Barselona”da o‘ynagan rossiyalik mashhur futbolchi Igor Korneyev bu borada o‘zbek futbolchisiga maslahat berdi.
- Fayzullayev SSKA loyihasida eng muhim o‘yinchi darajasiga ko‘tarilish uchun kerakli bo‘lgan barcha xususiyatlarga ega. Lekin ko‘p narsa futbolchining o‘ziga bog‘liq bo‘ladi. Hozircha, u faqat maqtovlar bilan chegaralanib qolyapti.
Fayzullayevning tez orada ketishi haqida nima deyish mumkin? Qayergadir ketish borasida shoshilishdan hech qanday ma’ni yo‘q. U SSKA asosiy tarkibidagi joyini mustahkamlashga e’tibor qaratishi zarur, - dedi Igor Korneyev.
Bu masala rossiyalik futbol ishqibozlari orasida ham keng muhokama qilinyapti.
Sports.uz portali o‘zbekistonlik futbol ishqibozlari e’tiboriga rus saytlari va ijtimoiy tarmoqlarida bildirilayotgan fikr-mulohazalarni havola qiladi.
Serg100555:
Abbosbek chempionat oxirigacha yaxshi saviyada o‘ynab bersin. U yog‘ini keyin ko‘ramiz. O‘yinchining imkoniyatini baholash uchun bir mavsum kamlik qiladi. Uning darajasi barqarorlik bilan o‘lchanadi. Hech bo‘lmasa, SSKAda ikki yil o‘ynashi tarafdoriman.
Bruno2611:
Boshqa jamoaga o‘tishiga hali juda erta. “Barselona”ga o‘tishni orzu qilayotgan bo‘lsa, jismonan va ruhan tayyorlanishi kerak.
Kovfun-barrios:
Abbbos ham xuddi Shomurodov va Kvaratsxeliya singari Yevropaga yo‘l olishi kerak. Yo‘qsa, faoliyatida pasayish bo‘ladi. Chalov, Akinfeyev, Oblyakov va Zabolotniy singari o‘yinchilar bilan SSKAda hech narsaga erisha olmaydi.
Ase1:
Hozir “Barsa”da Gavi jarohat olgan. Shuni o‘rniga o‘tsin. Tashqi ko‘rinishi ham o‘xshash.
Joker69:
“Barsa”ning davri o‘tib bo‘lgan. Hozir “Manchester Siti”, “Real”, “Bavariya”da o‘ynash moda.
zritely2017:
Nega “Manchester Siti”ga o‘tmaysan?
Grasiegold:
Messining xiyonatidan keyin “Barsa” o‘ziga kelgani yo‘q.
Mikredarmy:
Fayzullayev “Barselona”ga o‘tishiga imkon bor. Hozir esa, har ikki bo‘limda faol o‘ynashni o‘zlashtirishi kerak. Kuchsiz ligadan keyin biroz qiynalyapti. Golovin ham shunday bo‘lgandi.
Xavimessi:
Nega hozirgi futbolchilar “Bavariya”, “Liverpul”, “Real”da o‘ynashni orzu qilmayapti. “Barsa”da nima bor?
Losomotive Breath:
“Barselona”ni bilmadim-u, lekin aniq Yevropaga olib ketishadi. Bu yigit zo‘r futbolchi.
Sihafazatron:
Hozircha bu imkonsizdek ko‘rinadi. SSKAda zo‘r o‘yinchi ekaningni ko‘rsat, foyda keltirgin. Mana ko‘rasan, seni Yevropaga chaqirishadi. Omad tilayman.
“Zamin” yangiliklarini “Facebook”da kuzatib boring
