“Gremio” hujumchisi Luis Suares 2020 yili “Barselona”dan Madridning “Atletiko” klubiga ko‘chib o‘tgan edi. O‘shanda Kataloniya klubi rahbariyati urugvaylik to‘purarni jamoadan ketishga majbur qilgandi. Luis Suares “Barsa”dan qanday o‘ch olganini aytib berdi.
- Ichki tuyg‘um “Atletiko”ga o‘tishim kerakligini aytgandi. Oxir-oqibat bu qarorim “Barselona”dan o‘ch olish imkonini berdi. O‘shanda Luis Suaresning qo‘lidan nimalar kelishini butun La Ligadagilarga isbotlab qo‘ygandim, - dedi tajribali to‘purar.
Madrid klubiga ko‘chib o‘tgan Luis Suares “Atletiko”dagi debyut mavsumida raqiblar jdarvozasini 21 marotaba ishg‘ol qilib, jamoasini chempion qilgan va La Liganing eng zo‘r o‘yinchisi, deb e’tirof etilgandi.
Luis Suares joriy mavsumni “Gremio”da o‘tkazmoqda. Forvard bu jamoaga yil boshida qo‘shilgan edi. 36 yoshli hujumchi hozirgacha barcha turnirlarda 51 marotaba maydonga tushib, o‘z hisobiga 23 ta gol rasmiylashtirdi.
“Zamin” yangiliklarini “Twitter”da kuzatib boring
