Rasman! "Nasaf" Ro‘ziqul Berdiyev bilan shartnomani uzaytirdi

“Nasaf” futbol klubi rahbariyati jamoaning amaldagi bosh murabbiyi Ro‘ziqul Berdiyev bilan shartnomani uzaytirdi.

Ro‘ziqul Berdiyev 2024 yilning so‘ngiga qadar jamoa bosh murabbiyi lavozimida faoliyat olib boradi.

"Nasaf" Ro‘ziqul Berdiyev bosh murabbiyligi davrida O‘zbekiston chempionatining besh karra bronza medallari va uch marta kumush medallari sohibiga aylandi, shuningdek, to‘rt marta O‘zbekiston Kubogi va ikki marta O‘zbekiston Superkubogini qo‘lga kiritdi.