Olimpiada tashkilotchilari suv havzalarida suvning yashil rangga kirishi sababini ma’lum qilishdi

Rio-de-Janeyrodagi Olimpiada tashkilotchilari ikkita suv havzasida suvning yashil rangga kirishi sababini ma’lum qilishdi. Bu haqda The New York Times nashri xabar bermoqda, deyiladi "Kun" nashrida.

Suvning yashil rangga kirishiga ishchining aybi bilan quvurga tushgan vodorod peroksid sabab bo‘lgan. Ushbu reagent suv havzasini yuvish uchun ishlatiladi, biroq u xlor bilan birga qo‘llanmaydi. Suvda esa xlor bo‘lgan. Perekis xlorning kuchini ketkazgan, bu esa turli suv o‘tlariga ko‘payishga imkon bergan. Hammasi bo‘lib tizimga 160 litr peroksid tushgan.

13 avgustda Olimpiada tashkiliy qo‘mitasining aloqalar bo‘yicha direktori Mario Andrada Mariya Lenk nomidagi suv sporti turlari markazidagi suv havzasidagi yashil suv tozasiga almashtirilishiga va’da berdi.
“Zamin”ni Telegramʻda oʻqing!