Bugun “Mulla To‘ychi Toshmuhammedov” nomidagi Qashqadaryo viloyat Akademik-drama teatrida “Nasaf” jamoasiga tantanali ravishda Superliga-2023 kumush medallari topshirildi.
"Tadbirda Qashqadaryo viloyati hokimi Murotjon Azimov so‘zga chiqib, viloyat ahlini o‘tgan mavsumda jamoa tomonidan qo‘lga kiritilgan yutuqlar bilan tabrikladi va Qashqadaryo xalqi anchadan buyon sevimli jamoasining O‘zbekiston chempionligini qo‘lga kiritishni orzu qilayotgani va joriy yilda ushbu orzuni ushalishiga bor kuchi bilan harakat qilishimiz kerakligini ta’kidlab o‘tdi. Jamoa oldidagi maqsad va vazifalarni bajarish uchun viloyat rahbariyati har qanday yordamni ayamasligini ta’kidlab o‘tdi.
So‘ngra klub prezidenti, “Sho‘rtan gaz-kimyo majmuasi” bosh direktori Shuhrat Aslanov so‘zga chiqib, “Nasaf” futbol klubi o‘tgan mavsumda katta hajmdagi ishni amalga oshirganini va jamoa bu bilan to‘xtab qolmasligini qayd etdi. Jamoa sovrinlardan tashqari ayollar futboli, futzal, turli yoshdagi kichik terma jamoalar hamda O‘zbekiston Milliy terma jamoasiga ham futbolchilarni yetkazib beradigan katta mexanizmga aylanganini e’tirof etdi. Klub prezidenti jamoaning shu darajaga yetishi uchun xizmat qilgan barcha ishchi-xodimlar, muxlislar, viloyat rahbariyati va “O‘zbekneftgaz” aksiyadorlik jamiyatiga o‘z minnatdorchiligini bildirdi.
Jamoa nomidan so‘zga chiqqan bosh murabbiy Ro‘ziqul Berdiyev yil davomida “Nasaf”ni qo‘llab-quvvatlagan barchaga o‘z minnatdorchiligini bildirib o‘tdi va yangi mavsumda jamoa oldiga qo‘yilayotgan maqsad yo‘lida birlashib, viloyat ahli uzoq kutgan chempionlik uchun kurashishga va’da berdi.
Shundan so‘ng jamoaga yangi kelib qo‘shilgan Viktor Da Silva, Zoran Marushich, Temur Chogadze, Igor Golban, Islom Kenjaboyev, Sharof Muhitdinov, Bobir Abdixoliqov va Zafar Safayevlar muxlislarga tanishtirildi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda onkologik kasallikka chalingan ayollar bepul davolanadi
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
Eron Isroil bilan keng ko‘lamli urushga tayyorligini ma’lum qildi
Medvedev Rossiya NATO harbiy bazalariga zarba yo‘llashi mumkinligini istisno qilmadi
Organizmda qaysi turdagi vitamin yetishmayotganini qanday aniqlash mumkin?
Bosh kiyimsiz yurishning organizmga qanday ta’siri bor?
Gretsiyada minglab odamlar NATOga qarshi namoyish o‘tkazdi
Slovakiya bosh vaziri Putinning taklifini qabul qildi
