Qozog‘istonning amaldagi chempioni – “Ordabasi” tarkibida jiddiy o‘zgarishlar davom etmoqda. Chimkentliklar safini bir necha yetakchi o‘yinchilar tark etganiga qaramay, jamoa yangi ijrochilarni tarkibga qo‘shib olmoqda.
Jumladan, o‘tgan mavsumda “Ordabasi” chempionligiga katta hissa qo‘shgan va chempionatning barcha uchrashuvlarida qatnashib, raqiblar darvozasiga yettita to‘p kiritgan Bobur Abduxoliqov faoliyatini “Nasaf”da davom ettiradigan bo‘ldi.
Tajribali to‘purar o‘rnini O‘zbekiston milliy terma jamoasiga nomzod boshqa futbolchi – Jasur Yaxshiboyev to‘ldirdi. “Ordabasi” bu transferni rasman e’lon qildi.
Qozog‘iston futboli mutaxassislar o‘zbek legionerining transferi haqida o‘z fikr-mulohazalarini bildirmoqda.
Yevgeniy Averchenko Qozog‘iston terma jamoasi sobiq futbolchisi:
Jasur Yaxshiboyev “Ordabasi” uchun juda yaxshi transfer. U katta tajribaga ega sifatli futbolchi. “Legiya”da o‘ynagan, Yevropa kuboklarida qatnashish malakasi bor, “Real”ga gol urgan.
Yaxshiboyev saviyasi Qozog‘iston Premer-ligasinikiga yaqin bo‘lgan Moldova, Belarus, O‘zbekiston chempionatlarida to‘p tepgan. Bu futbolchi Qozog‘iston chempionatiga hech qanday muammosiz kirishib ketadi.
Pavel Yevteyev, Qozog‘iston terma jamoasi sobiq futbolchisi:
“Ordabasi” ayni paytda hujum chizig‘ini kuchaytirishga alohida e’tibor qaratmoqda. Jasur Yaxshiboyevning qo‘lga kiritilgani yaxshi transfer. Bu futbolchi Yevropaning kuchli chempionatida “Legiya” sharafini himoya qilgan uning tajribasini ko‘rsatib turibdi.
Jasur Yevrokuboklarda ishtirok etgan. Bu o‘yinchining yuqori malakasi ko‘rinib turibdi. Chap qanotda ham, o‘ng tarafda ham o‘ynay oladi. O‘zbekiston milliy terma jamoasi o‘yinchisi hisoblanadi. Bu terma jamoa Osiyo kubogida yaxshi qatnashdi.
Jasur Yaxshiboyev “Paxtakor” tarbiyalanuvchisi hisoblanadi. Faoliyati davomida AGMK, “Energetik-BGU”, “Shaxtyor Soligorsk”, “Legiya”, “Sherif” va “Navbahor” jamoalarida to‘p tepgan. Belarus, Polsha va Moldova chempioni.
Bir necha pozitsiyada o‘ynay oldagan iste’dodli futbolchi Yevropa Chempionlar ligasi va Yevropa Ligasi kabi nufuzli turnirlarning guruh bosqichlarida qatnashgan. “Santyago Bernabeu” arenasida “Real” darvozasini ishg‘ol qilish orqali “Sherif”ning 2:1 hisobidagi tarixiy g‘alabasini ta’minlagan. Yaxshiboyev “Real” darvozasini ishg‘ol qilgan birinchi o‘zbek futbolchisi hisoblanadi.
Jasur Yaxshiboyev O‘zbekiston milliy terma jamoasida hozirgacha o‘n marotaba o‘yin o‘tkazib, o‘z hisobiga bir juft gol yozdirib qo‘ygan.
Endi u “Ordabasi”da qadrdon do‘sti Shahboz Umarov bilan birga to‘p tepadi. Shahboz Umarov ham bir yarim yildan beri Chimkent jamoasida to‘p tepmoqda. O‘tgan mavsumda bu legionerimiz ham jamoaning muvaffaqiyatiga munosib hissa qo‘shdi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Slovakiya bosh vaziri Putinning taklifini qabul qildi
Organizmda qaysi turdagi vitamin yetishmayotganini qanday aniqlash mumkin?
O‘zbekistonda onkologik kasallikka chalingan ayollar bepul davolanadi
Medvedev Rossiya NATO harbiy bazalariga zarba yo‘llashi mumkinligini istisno qilmadi
Bosh kiyimsiz yurishning organizmga qanday ta’siri bor?
Germaniya razvedkasi rahbari: “Rossiya yaqin yillarda NATOga hujum qilishi mumkin”
Endi «Doimiy yashash joyiga ro‘yxatga qo‘yish» qulaylashdi (video)
100 mln so‘mgacha bo‘lgan kreditlar soddalashtirilgan tartibda ajratiladi
