Og‘ir atletika. Akbar Jo‘rayev Jahon kubogida uchchala yo‘nalishda ham oltin medalga sazovor bo‘ldi

^{Foto: Uzbekistan Weightlifting Federation}
Og‘ir atletika bo‘yicha Tailanddagi Jahon kubogining erkaklar o‘rtasida -109 kg vazn toifasida “A” guruh bahslari 10 aprel sanasida yakunlandi.

Unda O‘zbekiston sharafini himoya qilgan Akbar Jo‘rayev dast ko‘tarishda 189 kg, siltab ko‘tarishda 227 kg va ikkikurash natijasiga ko‘ra, 416 kg natija bilan uch yo‘nalishda ham oltin medalga sazovor bo‘ldi.

^{Foto: Uzbekistan Weightlifting Federation}
Ushbu vazn toifasida ishtirok etgan yana bir o‘zbekistonlik og‘ir atletikachi Sharofiddin Amriddinov esa dast ko‘tarishda 170 kg natija bilan bronza medalini qo‘lga kiritdi. U siltab ko‘tarishda 208 kg va ikkikurash natijasiga ko‘ra, 378 kg natija bilan mos ravishda 5- va 4-o‘rinlarni egalladi. “Zamin” yangiliklarini “Facebook”da kuzatib boring