Futbol bo‘yicha Yevropa Chempionlar Ligasi yarim final javob o‘yinida “Real” va “Bavariya” jamoalari 8 may, chorshanba kuni o‘zaro to‘qnash keldi.
Eslatib o‘tamiz, jamoalar o‘rtasidagi dastlabki o‘yinda 2:2 hisobi qayd etilgan edi.
Bugungi bahsning hujumlarga boy birinchi bo‘limida darvozalar ishg‘ol etilmadi. Ikkinchi bo‘limda ham klublar hujumkorlikni davom ettirdi. Madridliklar golga yaqin kelgan bo‘lsa-da, 68-daqiqada Myunxen klubi futbolchisi Alfonso Devis Lunin darvozasini ishg‘ol qildi.
Oradan bir necha daqiqa o‘tib, “qaymoqranglilar” hisobni tenglashtirishga muvaffaq bo‘ldi. Biroq, jarima maydoni ichida Nacho Kimmixga nisbatan qo‘pollik ishlatgani uchun gol bekor qilindi.
88-daqiqada esa zaxiradan maydonga tushgan Xoselu muvozanatni tikladi. Oradan 3 daqiqa o‘tib esa aynan Xoselu madridliklarni hisobda oldinga olib chiqdi.
Shu tariqa “Real” kambek qayd etib, g‘alaba qozondi va final yo‘llanmasini qo‘lga kiritdi.
Karlo Anchelotti shogirdlari finalda “Borussiya D”ga qarshi bahs olib boradi.
YECHL 1/2 final
8 may, chorshanba
“Real” – “Bavariya” 2:1
Gollar: 0:1 – 68 Devis, 1:1 – 88 Xoselu, 2:1 – 90+1 Xoselu.
“Real Madrid”: Lunin, Karvaxal, Nacho, Ryudiger, Mendi, Valverde (Xoselu, 81), Bellingem, Kroos (Modrich, 69), Tchuameni (Kamavinga, 70), Vinisius Junior, Rodrigo (Braim Dias, 81).
“Bavariya”: Noyer, Dayer, de Ligt, Mazraui, Pavlovich, Laymer, Kimmix, Sane (Kim Min Chje, 76), Musiala (Myuller, 84), Keyn (Shupo-Moting, 85), Gnabri (Devis, 27).
Ogohlantirish: Kamavinga (90+11). “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
BAAda isroillik ravvin o‘ldirib ketildi
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
Namanganda olib qochilgan avtomobil «Qamchiq» dovonida to‘xtatildi
Peskov AQSHning amaldagi ma’muriyatini Ukrainadagi vaziyatni keskinlashtirishda aybladi
Xitoy Yaponiya va sakkizta davlat fuqarolariga vizasiz rejimni joriy etadi
Medvedev yadroviy qurol texnologiyasini “AQSH dushmanlariga” berishni taklif qildi
Qozog‘iston prezidenti mahalliylashtirilgan sportchilar sonini kamaytirishga topshiriq berdi
Komil Allamjonovga suiqasdda gumonlanib 5 kishi qamoqqa olindi
