“Roma” kelasi mavsum uchun o‘z oldiga katta maqsadlarni qo‘ygan. Klub afsonasi Daniele de Rossi jamoani Yevropa Chempionlar ligasiga olib chiqmoqchi. Shu bois, klub rahbariyati yozgi transferlar vaqtida kuchli o‘yinchilarni olishga harakat qiladi.
“Roma” faoliyatini yoritayotgan manbalardan biri romaforever.it sayti eksperti Andrea Dezideri rimliklarning Eldor Shomurodov borasidagi rejalari haqida ma’lumot berdi.
Mutaxassisning ta’kidlashicha, shu kunlarda “Yuventus” hujumkor futbolchisi Federiko Kezaning agenti poytaxtga keladi va o‘zaro hamkorlik bo‘yicha muzokara o‘tkazadi. Turin klubi italiyalik yulduz xizmatidan foydalanmaslikka qaror qilgan.
Manbaga ko‘ra, “Roma” mutasaddilari Eldor Shomurodovga tezroq yangi ish joyi topishga harakat qilmoqda. 28 yoshli forvard sports.uz portali muxbiri bilan suhbatda shartnomasi bo‘yicha “Roma”ga qaytganini aytgan edi.
Andrea Dezideri “Kalyari” rahbariyati o‘zbek hujumchisi xizmatidan yana foydalanmoqchi ekani va Shomurodovni to‘liq transfer qilish uchun “Roma” bilan 9 million yevro miqdorida belgilangan badal pulini pasaytirish borasida muzokara olib borayotganini yozdi.
Bundan tashqari, Italiya matbuotida A Seriyaga qaytgan “Parma” ham Eldorning xizmatiga qiziqish bildirayotgani haqida ma’lumotlar chiqaryapti.
“Roma” yozgi transferlar uchun asosiy transfer sifatida qarayotgan Federiko Keza uchun tarkibdan tezroq joy ochishga urinyapti. Klub Shomurodov masalasida “Kalyari” bilan bir to‘xtamga kela olmasa, har qanday boshqa variantni ham ko‘rib chiqishga tayyor.
Bundan tashqari, o‘zbekistonlik legioner transferiga 20 million yevroga yaqin mablag‘ sarflagan poytaxtliklar bu summaning katta qismini qaytara olmasligiga ko‘zi yetib turgani ham aytilmoqda.
Eslatib o‘tamiz, Eldor Shomurodov “Kallyari” safida A Seriyada 22 ta uchrashuv o‘tkazib, uchtadan gol va assist muallifi bo‘ldi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Tramp Putinga qo‘ng‘iroq qilib, Ukrainadagi urushni muhokama qildi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
