Futbol bo‘yicha Yevropa Chempionatining nimchorak finalidan o‘rin olgan navbatdagi uchrashuv 29 iyun shanba kuni bo‘lib o‘tdi.
Unda Germaniya jamoasi Daniya termasi bilan bahs olib bordi. Uchrashuvning birinchi bo‘limi teng kurashlar ostida o‘tdi. 38-daqiqada kuchli yomg‘ir va chaqmoq sabab uchrashuv hakam tomonidan to‘xtatildi va 20 daqiqadan so‘ng davom ettirildi.
Ikkinchi bo‘limning dastlabki daqiqalarida Daniya terma jamoasi hujumkor o‘yin namoyish etdi va bu hujumlar 50-daqiqada o‘z natijasini berdi. Andersonning goli ofsayd sabab bekor qilindi. Ikki daqiqa o‘tib aynan uning o‘zi penaltiga sabab bo‘ldi. VAR ushbu vaziyatda futbolchi jarima maydoni ichida qo‘l bilan o‘ynagan deb topdi. Nuqtaga yaqinlashgan “Arsenal” futbolchisi Havers adashmadi va hisobni ochdi.
Uchrashuvning 68-daqiqasida Germaniya o‘rtadagi farqni oshirdi. Jamol Musialaning aniq zarbasi hisobni 2:0 ko‘rinishiga olib keldi. Daniya termasi so‘nggi daqiqalargacha hujum qilishda davom etdi. Nemislar darvozaboni va himoyachilarining ishonchli harakatlari bois hisob o‘zgarmay qoldi.
Shu tariqa mezbonlar chorak finalga yo‘l oldi. Germaniya keyingi bosqichda Ispaniya—Gruziya juftligi g‘olibi bilan to‘qnash keladi.
Yevro—2024
Nimchorak final
29 iyun, shanba
Germaniya – Daniya 2:0
Gollar: 1:0 — Havers (53, penalti), 2:0 — Musiala (68).
Germaniya: Noyer, Ryudiger, Shlotterbek, Raum (Henriks, 80), Kroos, Gundo‘g‘an (Fyullkrug, 65), Andrix (Jan, 64), Kimmix, Havers, Sane (Anton, 88), Musiala (Virs, 81).
Daniya: Shmeyxel, Ba (Kristiansen, 81), Vestergor, Kristensen (Bruun Larsen, 81), Andersen, Mele, Dileyni (Nyorgor, 69), Eriksen, Hyoyberg, Olsen (Poulsen, 69), Hoylund (Vind, 81).
Ogohlantirishlar: Andersen (57), Mele (60). “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Tramp Putinga qo‘ng‘iroq qilib, Ukrainadagi urushni muhokama qildi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
