Yevro—2024. Ispaniya Gruziya ustidan yirik hisobda g‘alaba qozondi

Futbol bo‘yicha Yevropa Chempionatining nimchorak finalida Ispaniya va Gruziya terma jamoalari 30 iyun, yakshanba kuni o‘zaro bahs olib bordi.

Uchrashuvning 18-daqiqasida ispaniyalik futbolchi Le Norman o‘z darvozasiga gol urib qo‘ydi. 39-daqiqada Rodri hisobni tenglashtirdi.

Ikkinchi bo‘limni ham ispanlar yuqori notada boshladi. 51-daqiqada Fabian Ruis jamoasini hisobda oldinga olib chiqdi. 75-daqiqada Niko Uilyams ajoyib reyd uyushtirib, hisobni ishonchli ko‘rinishga olib keldi. 83-daqiqada Dani Olmo uchrashuvga yakuniy nuqtani qo‘ydi.

Shu tariqa o‘yin Ispaniyaning 4:1 hisobidagi g‘alabasi bilan yakunlandi.

Ispanlar chorak finalda musobaqa mezboni Germaniyaga qarshi bahs olib boradi.

Yevro—2024
Nimchorak final
30 iyun, yakshanba
Ispaniya – Gruziya 4:1
Gollar: 0:1 – 18 Le Norman (avtogol), 1:1 – 39 Rodri, 2:1 – 51 Fabian Ruis, 3:1 – 75 Uilyams, 4:1 – 83 Olmo.
Ispaniya: Unai Simon, Karvaxal (Navas, 81), Laport, Le Norman, Kukurelya (Grimaldo, 66), Fabian Ruis (Merino, 81), Rodri, Pedri (Olmo, 52), Uilyams, Yamal, Morata (Oyarsabal, 67).
Gruziya: Mamardashvili, Kakabadze, Kashiya, Gvelesiani (Kvekveskiri, 79), Dvali, Lochoshvili (Sitaishvili, 63), Kiteyshvili (Altunashvili, 41), Kochorashvili, Chakvetadze (Davitashvili, 63), Kvarasxeliya, Mikautadze (Zivzivadze, 79).
Ogohlantirishlar: Morata (44), Davitashvili (71). “Zamin” yangiliklarini “Telegram”da kuzatib boring