Yevro—2024. Angliya penaltilar seriyasida Shveysariyani yengib, yarim finalga yo‘l oldi

Futbol bo‘yicha Yevropa Chempionatining chorak finalida Angliya va Shveysariya terma jamoalari 6 iyul, shanba kuni o‘zaro bahs olib bordi.

Uchrashuvning birinchi bo‘limida darvozalar ishg‘ol etilmadi.

Ikkinchi bo‘limda ham favorit deb hisoblangan Angliya hujumga o‘tishga shoshilmadi. Shveysariyaning kam sonli hujumlari ko‘proq xavf tug‘dirdi. Uchrashuvning 75-daqiqasida Embole hisobni ochdi.

Uchrashuvning 78-daqiqasida Angliya termasi bosh murabbiyi Sautgeyt birdaniga 3 ta o‘zgarish amalga oshirdi. Bu esa ikki daqiqadan so‘ng natija berdi. 80-daqiqada Bakayo Sakaning uzoqdan yo‘llagan zarbasi golga aylandi va Angliya hisobni tenglashtirdi.

Uchrashuvning asosiy daqiqalarida g‘olib aniqlanmadi.

Shundan so‘ng hakam ekstra taymlarga ruxsat berdi. Qo‘shimcha daqiqalarda shveysariyaliklar anchagina faol harakat qildi, ammo hisobni o‘zgartirishning iloji bo‘lmadi.

Yevro—2024
Chorak final
6 iyul, shanba

Angliya – Shveysariya 1:1 (penaltilar bo‘yicha – 5:3)
6 iyul. Dyusseldorf. "Dyusseldorf Arena". 21:00
Gollar: Saka 80' – Embolo 75'
Angliya: Pikford, Uoker, Stounz, Konsa (Palmer , 78), Tripper (Eze, 78), Maynu (Shou, 78), Rays, Saka, Foden (Arnold, 115), Bellingem, Keyn (Touni, 110).
Shveysariya: Zommer, Sher, Akanji, Rodriges, Ebisher (Amduni, 118), Froyler (Serro , 118), Jaka, Rider (Suber, 64), Vargas (Vidmer, 64), Ndoye (Zakariya, 98), Embolo (Shakiri, 109).
Ogohlantirishlar: Sher (32), Keyn (66), Vidmer (85). “Zamin” yangiliklarini “Odnoklassniki”da kuzatib boring