O‘zbekiston Kubogi. “Paxtakor” hamda “So‘g‘diyona” raqiblarini yengib, chorak finalga yo‘l oldi

^{Foto: “PFL”}
Futbol bo‘yicha O‘zbekiston Kubogi nimchorak finalidan o‘rin olgan ikki o‘yin 6 iyul, shanba kuni bo‘lib o‘tdi.

“Aral” hamda “Paxtakor” o‘rtasidagi O‘zbekiston Kubogi 1/8 final uchrashuvi yakuniga yetdi. Unda “Paxtakor” so‘nggi daqiqalardagi gol evaziga g‘alaba qozondi va ular endi chorak finalda “Bunyodkor” bilan to‘qnash keladi.

^{Foto: “PFL”}
“So‘g‘diyona” va “Neftchi” o‘rtasidagi uchrashuvning asosiy vaqti durang bilan yakuniga yetdi.Mezbonlar futbolchisi Sardorbek Hoshimovning 112-daqiqada urilgan goli jizzaxliklarga g‘alaba olib keldi.

Shu tariqa O‘zbekiston Kubogining barcha chorak final ishtirokchilari aniq bo‘ldi.

O‘zbekiston Kubogi
Nimchorak final
6 iyul, shanba

“Aral” — “Paxtakor” 0:1
Gol: Umar Adhamzoda (88)
“Aral”: Shohjahon Nasimov, Bekzod Ahmadjonov, Yunus Ibragimov, Izzatilla Qutiboyev, Azizbek Umirbekov, Obid Jo‘raboyev, Norxon Sheripov, A’zam Aliyev, Zulpuqar Kuanishbayev, Tohir Shamsitdinov, Izzatillo Abdulhaqov.
“Paxtakor”: Pavel Pavlyuchenka, Behruz Asqarov, Shahzod Azmiddinov, Hojiakbar Alijonov, Diyor Xolmatov, Diyor Ortiqboyev, Doston Hamdamov, Sunnatilla Poyonov, Umar Adhamzoda, Doniyor Abdumannopov, Muhammadrasul Abdumajidov.

So‘g‘diyona — Neftchi 1:0
Gol: Sardor Hoshimov (112)
“So‘g‘diyona”: Milan Mitrovich, Islom Qobilov, Jasur Yoqubov, Vladimir Yovovich (Nodir Ahadov, 118), Shohrux Abdurahmonov, Zoran Petrovich (Samandar Sindarov, 91), Lyupcho Doriyev, Xondamir Mustafoqulov (Sardor Hoshimov, 111), Stanislav Andreyev, Nodir Soyibov, Oleg Zoteyev.
“Neftchi”: Sanjar Quvvatov, Zoir Jo‘raboyev, Jaloliddin Jumaboyev (Abbos G‘ulomov, 46), Boyan Siger, Katalin Karp (Shohruz Norxonov, 89), Javohir Qahramonov, Xurshid Muxtorov (Anvar G‘ofurov, 46), Sanjar Qodirqulov, Manuchexr Safarov, Bilol Toshmirzayev (Diyor Turopov, 98), Nsungusi Effiong (Roman Mixay, 113). “Zamin” yangiliklarini “Instagram”da kuzatib boring