Rayan Garsiya irqchilikka oid so‘zlari sabab WBC'dan chetlatildi

Amerikalik bokschi Rayan Garsiya irqchilikka oid so‘zlari sabab WBC'dan chetlatildi. Bu haqda tashkilot prezidenti Maurisio Suleyman ma’lum qildi.

Garsiya ijtimoiy tarmoqlarda qora tanlilar va musulmonlarni kamsituvchi irqiy haqoratlarni bir necha bor ishlatdi, deya xabar beradi Assosiated Press nashri.

“WBC prezidenti sifatidagi vakolatimdan foydalanib, men Rayan Garsiyani tashkilotimizning barcha faoliyatidan chetlatyapman. Biz kamsitishning har qanday shaklini rad etamiz. Men Rayanning kelajagidan qo‘rqaman, chunki u ruhiy salomatlik uchun yordam olishi maqsadidagi ko‘plab urinishlarni rad etdi”, — deb yozdi Suleyman ijtimoiy tarmoqlardagi sahifalarida.

Eslatib o‘tamiz, Rayan Garsiya oxirgi jangini aprel oyida Devin Heyniga qarshi o‘tkazib, ochkolar hisobiga ko‘ra g‘alaba qozongandi. Ammo keyinchalik u doping-testdan o‘ta olmagani sababli bir yillik diskvalifikasiyaga uchragan hamda Heyni bilan jangi natijasi bekor qilingandi. “Zamin” yangiliklarini “Vkontakti”da kuzatib boring