Lamin Yamal “Yevro-2024”da 11 ta rekord o‘rnatdi

Germaniya mezbonlik qilgan Yevropa chempionati iste’dodli o‘yinchilarga boy bo‘lgan va yorqin o‘yin namoyish etgan Ispaniya terma jamoasining g‘alabasi bilan yakunlandi.

Ispanlarning g‘alabasida musobaqa davomida 17 yoshga to‘lgan Lamin Yamalning hissasi katta bo‘ldi. “Barselona” tarbiyalanuvchisi “Yevro-2024”ning eng yaxshi yosh o‘yinchisi bo‘ldi.

Umuman olganda, Lamin Yamal turnir davomida quyidagi rekordlarni o‘rnatdi:

1. Yevropa chempionatlari tarixidagi eng yosh o‘yinchi;

2. Yevropa chempionatlari tarixida gol urgan eng yosh o‘yinchi;

3. Yevropa chempionatlari tarixida assistni amalga oshirgan eng yosh o‘yinchi;

4. Yevropa yoki jahon chempionatlarida yarim finalda boshlang‘ich tarkibda maydonga tushgan eng yosh o‘yinchi;

5. Yevropa yoki jahon chempionatlarida yarim finalda gol urgan eng yosh o‘yinchi;

6. Yevropa yoki jahon chempionatlarida finalda boshlang‘ich tarkibda maydonga tushgan eng yosh o‘yinchi;

7. Yevropa yoki jahon chempionatlarida finalda golli pas uzatgan eng yosh o‘yinchi;

8. Yevropa chempionatlari tarixida eng yaxshi assistent bo‘lgan eng yosh futbolchi;

9. Bitta Yevropa chempionatida eng ko‘p (to‘rtta) assistni amalga oshirgan o‘yinchi;

10. Yevropa chempionatlarida g‘olib chiqqan eng yosh futbolchi;

11. Yuqorida ta’kidlanganidek, Lamin Yamal Yevropa chempionatida eng yaxshi yosh o‘yinchi bo‘ldi. “Zamin” yangiliklarini “Youtube”da kuzatib boring