O‘zbekiston terma jamoasi Tojikiston ustidan irodali g‘alabani qo‘lga kiritdi

^{Foto: O‘FA}
Futzal bo‘yicha Mirabror Usmonov Kubogi musobaqasi 19 iyul, juma kuni start oldi.

Musobaqa doirasida O‘zbekiston terma jamoasi Tojikistonga qarshi bahs olib bordi. Uchrashuvning 4-daqiqasida Samandar Rizomov mehmonlarni hisobda oldinga olib chiqdi. 9-daqiqada Komron Aliyev avtogol muallifiga aylandi va hisob tenglashdi.

10-daqiqada Sunnat Jo‘rayev O‘zbekistonning ikkinchi golini urdi.

Ikkinchi bo‘limda tomoshabinlar, yana gollar guvohiga aylandi. 34-daqiqada Ilhom Hamroyev avtogol muallifi bo‘ldi. O‘sha daqiqaning o‘zida Ixtiyor Ropiyev yana O‘zbekistonni hisobda oldinga olib chiqdi.

Qolgan daqiqalarda darvozalar ishg‘ol etilmadi va uchrashuv O‘zbekistonning 3:2 hisobidagi g‘alabasi bilan yakunlandi.

Mirabror Usmonov Kubogi
19 iyul, juma

O‘zbekiston – Tojikiston 3:2
Gollar: 0:1 — 4 Rizomov, 1:1 — 9 Aliyev (avtogol), 2:1 — 10 Jo‘rayev, 2:2 — 34 Hamroyev (avtogol), 3:2 — 34 Ropiyev.
O‘zbekiston: 12.Abbos Elmurodov, 2.Muzaffar Ahadjonov, 4.Ixtiyor Ropiyev, 6.Ilhom Hamroyev, 7.Dilshod Rahmatov (dastlabki beshlik).
Zahira: 1.Sunnatilla Anvarov, 16.Fayoz Jo‘raboyev, 3.Mashrab Odilov, 5.Sunnatilla Jo‘rayev, 9.Fazliddin Botirov, 10.Akbar Usmonov, 11.Abror Ahmedzyanov, 13.Mehroj Xudoyberdiyev, 14.Samariddin Berkinov.
Tojikiston: 2.Firuz Bekmurod, 7.Bohodur Xojayev, 8.Isboli Vositzoda, 12.Umed Kuziyev, 14.Dilshod Salomov (dastlabki beshlik).
Zahira: 23.Xushbaxt Isoyev, 3.Abduqayum Umarov, 4.Nasratshoh Ismoilov, 5.Samandar Rizomonov, 6.Idris Yorov, 11.Komron Aliyev, 17.Baxtiyor Soliyev, 19.Firuz Sangov. “Zamin” yangiliklarini “Odnoklassniki”da kuzatib boring