Fransiya poytaxti Parij shahrida navbatdagi yozgi Olimpiya o‘yinlari boshlanishiga tobora oz vaqt qolmoqda.

Bu galgi Olimpiadada o‘zbekistonlik charm to‘p ustalari ham ishtirok etadi. Futbolchilarimiz sakkizinchi urinishda ilk bor olimpiya litsenziyasiga ega chiqdi. Shu yilning aprel oyida Qatar mezbonlik qilgan 23 yoshgacha futbolchilar ishtirokidagi Osiyo kubogida Timur Kapadze shogirdlari finalgacha yetib, borib to‘rtyillikning eng nufuzli musobaqasida qit’amiz sharafini himoya qiladigan bo‘ldi.

Olimpiadada asosan 23 yoshgacha bo‘lgan futbolchilar ishtirok etishi bois, bu musobaqa o‘ziga xos ko‘rik maydoni va transfer bozori vazifasini o‘tab beradi. Kuchli ligalar jamoalari ekspertlari, murabbiylari, skautlari, seleksionerlari olimpiyachilar orasidan o‘zlariga mos o‘yinlarni tanlab olish imkoniga ega bo‘ladi.

Italiya A Seriyasiga qaytgan “Parma” jamoasi faoliyatini yoritib borayotgan parmalive.com sayti eksperti Juzeppe Emmanuele Frizone Parij Olimpiadasida parmaliklar qiziqish bildirayotgan bir necha futbolchilar ishtirok etishi haqida ma’lumot berdi.

Sports.uz portali ana shu va tahririyat tomonidan tayyorlangan ayrim ma’lumotlarni o‘zbekistonlik futbol ishqibozlari e’tiboriga havola etadi.

Olimpiya o‘yinlarida “Parma” o‘yinchilaridan Adrian Bernabe Ispaniya terma jamoasi sharafini himoya qiladi. Markaziy yarim himoyachi ampluasida to‘p tepadigan Bernabe “Barselona” va “Manchester Siti”da futbol sir-asrorlarini o‘rgangan va bir yildan beri “Parma”da o‘ynab kelyapti.

Qizig‘i shundaki, Ispaniya terma jamoasi O‘zbekiston bilan bir guruhdan joy olgan va bu ikki jamoa 24 iyulga belgilangan birinchi turda o‘zaro to‘qnash keladi.

Yaponiya terma jamoasi darvozaboni Sion Suzuki yozda Belgiyaning “Sent-Truyden” klubidan “Parma”ga ko‘chib o‘tdi va mavsumga yangi jamoasi safida puxta tayyorgarlik ko‘rish uchun Olimpiya o‘yinlariga borish imkoniyatidan voz kechdi.

“Parma” qiziqish bildirgan Aaron Kiros Parijda Argentina terma jamoasi tarkibida maydonga tushadi. Italiya klubi iste’dodli himoyachini qo‘lga kirita olmadi. Kiros “Banfild”dan “Veles Sarsfild” klubiga o‘tib ketdi.

A Seriyaga qaytgan “Parma” hujum qilishni yaxshi ko‘radigan himoyachi Nabi Ulareni “Galatasaroy” bilan talashayotgan edi. Turkiyaning ikkinchi divizionida “Boluspor” jamoasida o‘ynayotgan o‘yinchini Gvineya terma jamoasi Olimpiya o‘yinlariga olib ketdi va uning taqdiri Parijdagi musobaqadan keyin hal bo‘ladi.

Italiyalik ekspert Juzeppe Emmanuele Frizone “Parma” qiziqish bildirayotgan ikki o‘zbek futbolchisi haqidaam ma’lumot berdi.

- O‘zbekiston terma jamoasi Olimpiadaga jalb etgan yulduzlar orasida “Parma” e’tiborini tortgan “Roma” hujumchisi Eldor Shomurodov ham bor. Shuningdek, Olimpiada yakunlangan mavsumda SSKA safida porlagan, nafaqat “Parma”, balki Yevropaning yuqori divizionlaridagi bir necha klublari diqqatini tortgan Abbosbek Fayzullayev ham o‘ynaydi, - deb yozdi borayotgan parmalive.com sayti eksperti Juzeppe Emmanuele Frizone.

Eslatib o‘tamiz, O‘zbekiston Olimpiya terma jamoasi 24 iyulda Ispaniya, uch kundan keyin Misr va 30 iyul kuni Dominikan Respublikasi vakillari bilan kuch sinashadi.

Jami 16 ta mamlakat terma jamoalari ishtirok etayotgan Olimpiya o‘yinlarining futbol musobaqalari guruh bosqichida to‘rtta kvartetda dastlabki ikki pog‘onani egallaganlar pley-offga yo‘llanma oladi. “Zamin” yangiliklarini “Vkontakti”da kuzatib boring

Fransiya poytaxti Parij shahrida navbatdagi yozgi Olimpiya o‘yinlari boshlanishiga tobora oz vaqt qolmoqda.

Bu galgi Olimpiadada o‘zbekistonlik charm to‘p ustalari ham ishtirok etadi. Futbolchilarimiz sakkizinchi urinishda ilk bor olimpiya litsenziyasiga ega chiqdi. Shu yilning aprel oyida Qatar mezbonlik qilgan 23 yoshgacha futbolchilar ishtirokidagi Osiyo kubogida Timur Kapadze shogirdlari finalgacha yetib, borib to‘rtyillikning eng nufuzli musobaqasida qit’amiz sharafini himoya qiladigan bo‘ldi.

Olimpiadada asosan 23 yoshgacha bo‘lgan futbolchilar ishtirok etishi bois, bu musobaqa o‘ziga xos ko‘rik maydoni va transfer bozori vazifasini o‘tab beradi. Kuchli ligalar jamoalari ekspertlari, murabbiylari, skautlari, seleksionerlari olimpiyachilar orasidan o‘zlariga mos o‘yinlarni tanlab olish imkoniga ega bo‘ladi.

Italiya A Seriyasiga qaytgan “Parma” jamoasi faoliyatini yoritib borayotgan parmalive.com sayti eksperti Juzeppe Emmanuele Frizone Parij Olimpiadasida parmaliklar qiziqish bildirayotgan bir necha futbolchilar ishtirok etishi haqida ma’lumot berdi.

Sports.uz portali ana shu va tahririyat tomonidan tayyorlangan ayrim ma’lumotlarni o‘zbekistonlik futbol ishqibozlari e’tiboriga havola etadi.

Olimpiya o‘yinlarida “Parma” o‘yinchilaridan Adrian Bernabe Ispaniya terma jamoasi sharafini himoya qiladi. Markaziy yarim himoyachi ampluasida to‘p tepadigan Bernabe “Barselona” va “Manchester Siti”da futbol sir-asrorlarini o‘rgangan va bir yildan beri “Parma”da o‘ynab kelyapti.

Qizig‘i shundaki, Ispaniya terma jamoasi O‘zbekiston bilan bir guruhdan joy olgan va bu ikki jamoa 24 iyulga belgilangan birinchi turda o‘zaro to‘qnash keladi.

Yaponiya terma jamoasi darvozaboni Sion Suzuki yozda Belgiyaning “Sent-Truyden” klubidan “Parma”ga ko‘chib o‘tdi va mavsumga yangi jamoasi safida puxta tayyorgarlik ko‘rish uchun Olimpiya o‘yinlariga borish imkoniyatidan voz kechdi.

“Parma” qiziqish bildirgan Aaron Kiros Parijda Argentina terma jamoasi tarkibida maydonga tushadi. Italiya klubi iste’dodli himoyachini qo‘lga kirita olmadi. Kiros “Banfild”dan “Veles Sarsfild” klubiga o‘tib ketdi.

A Seriyaga qaytgan “Parma” hujum qilishni yaxshi ko‘radigan himoyachi Nabi Ulareni “Galatasaroy” bilan talashayotgan edi. Turkiyaning ikkinchi divizionida “Boluspor” jamoasida o‘ynayotgan o‘yinchini Gvineya terma jamoasi Olimpiya o‘yinlariga olib ketdi va uning taqdiri Parijdagi musobaqadan keyin hal bo‘ladi.

Italiyalik ekspert Juzeppe Emmanuele Frizone “Parma” qiziqish bildirayotgan ikki o‘zbek futbolchisi haqidaam ma’lumot berdi.

- O‘zbekiston terma jamoasi Olimpiadaga jalb etgan yulduzlar orasida “Parma” e’tiborini tortgan “Roma” hujumchisi Eldor Shomurodov ham bor. Shuningdek, Olimpiada yakunlangan mavsumda SSKA safida porlagan, nafaqat “Parma”, balki Yevropaning yuqori divizionlaridagi bir necha klublari diqqatini tortgan Abbosbek Fayzullayev ham o‘ynaydi, - deb yozdi borayotgan parmalive.com sayti eksperti Juzeppe Emmanuele Frizone.

Eslatib o‘tamiz, O‘zbekiston Olimpiya terma jamoasi 24 iyulda Ispaniya, uch kundan keyin Misr va 30 iyul kuni Dominikan Respublikasi vakillari bilan kuch sinashadi.

Jami 16 ta mamlakat terma jamoalari ishtirok etayotgan Olimpiya o‘yinlarining futbol musobaqalari guruh bosqichida to‘rtta kvartetda dastlabki ikki pog‘onani egallaganlar pley-offga yo‘llanma oladi. “Zamin” yangiliklarini “Vkontakti”da kuzatib boring