Superliga. Chempionlik uchun kurashayotgan "Nasaf" Qarshida "Paxtakor"ni mag‘lubiyatga uchratdi

Superliganing 15-turidan o‘rin olgan "Nasaf" - "Paxtakor" bahsi bo‘lib o‘tdi. Uchrashuv mezbonlarning minimal hisobdagi g‘alabasi bilan yakunlandi.

Bellashuvdagi yagona goli 63-daqiqada Javohir Siddiov tomonidan kiritildi. Bobir Abdixoliqov tezkor reyd amalga oshirib qochib ketdi va "sherlar" himoyachisi Muhammadqodir Hamraliyev unga qo‘pollik ishlatdi. Hakam penalti belgiladi va bundan Siddiqov foydalandi.

Shu tariqa, Ro‘ziqul Berdiyev shogirdlari muhim 3 ochkoni qo‘lga kiritdi.

"Nasaf" — "Paxtakor" 1:0
Gol: 1:0 — 63, Javohir Sidiqov (penalti).

"Nasaf": 35.Abduvohid Ne’matov, 5.G‘olib G‘aybullayev, 7.Akmal Mozgovoy, 8.Zafarmurod Abdirahmatov, 9.Javohir Sidiqov (88.Marko Stanoyevich, 65), 10.Bobir Abdixoliqov (32.Zoran Marushich, 86), 19.Stefan Kolovich (21.Doniyor Narzullayev, 86), 22.Igor Golban, 34.Sherzod Nasrullayev, 70.Jambuli Jigauri (4.Dilshod Komilov, 77), 77.Oybek Bozorov (23.Kuach Yuel, 77).
Zaxira: 1.Umidjon Ergashev, 3.Shohjahon Sultonmurodov, 6.Murodbek Rahmatov, 44.Shahzod Akramov.

"Paxtakor": 35.Pavel Pavlyuchenko, 4.Abdulla Abdullayev, 5.Muhammadqodir Hamraliyev, 7.Xojiakbar Alijonov, 9.Ibrohim Ibragimov (8.Diyor Xolmatov, 70), 17.Dostonbek Hamdamov (99.Ulug‘bek Hoshimov, 46), 22.Umar Adhamzoda, 27.Sardor Sobirxo‘jayev, 30.Otabek Jo‘raqo‘ziyev (10.Dragan Cheran, 70), 44.Mahmudjon Mahammadjonov (33.Doniyor Abdumannopov, 46), 55.Muhammadrasul Abdumajidov.
Zaxira: 12.Vladimir Nazarov, 15.Diyorbek Ortiqboyev, 31.Muhammadali Usmonov, 40.Kimi Merk, 77.Dilshod Saitov.

Ogohlantirish: Javohir Sidiqov (40), Zafarmurod Abdirahmatov (58), Muhammadqodir Hamraliyev (61). “Zamin” yangiliklarini “Twitter”da kuzatib boring