Arentina terma jamoasi murabbiylar shtabi sentyabr oyidagi FIFA kunlari munosabati bilan bo‘ladigan o‘quv-mashg‘ulot yig‘inlari va rasmiy uchrashuvlarda ishtirok etadigan futbolchilar ro‘yxatini e’lon qildi.
Amaldagi jahon chempionlari 2026 yili bo‘ladigan jahon chempionatining mintaqaviy saralash turniri doirasida Chili va Kolumbiya terma jamoalariga qarshi maydonga chiqadi.
E’tiborga molik jihati, Argentina terma jamoasi sardori va sakkiz karra “Oltin to‘p” sohibi Lionel Messi bo‘lajak uchrashuvlarni o‘tkazib yuboradi.
Messining o‘rnini “Roma” hujumchisi Paulo Dibala egallaydi. Mohir hujumchi bir yarim yillik tanaffusdan keyin yana mamlakat bosh jamoasiga chaqirtirildi.
Shuningdek, bu galgi yig‘inlarga yozda Rim klubiga qo‘shilgan hujumchi Matias Sule ham jalb qilindi. Ta’kidlash lozimki, Dibala va Sule “Roma”dagi hamyurtimiz Eldor Shomurodovning raqobatchilari hisoblanadi.
Argentina terma jamoasi tarkibi quyidagicha ko‘rinishga ega bo‘ldi:
Darvozabonlar: Emiliano Martines (“Aston Villa”), Xuan Musso (“Atalanta”), Jeronimo Ruli (“Marsel”), Valter Benites (PSV).
Himoyachilar: Gonsalo Montiel (“Sevilya”), Nauel Molina (“Atletiko”), Leonardo Balerdi (“Marsel”), Kristian Romero (“Tottenxem”), German Petssela (“River Pleyt”), Nikolas Otamendi (“Benfika”), Lisandro Martines (“Manchester Yunayted”), Nikolas Talyafiko (“Lion”), Valentin Barko (“Sevilya”).
Yarim himoyachilar: Gvido Rodriges (“Vest Xem”), Leandro Paredes (“Roma”), Aleksis MakAllister (“Liverpul”), Rodrigo De Paul (“Atletiko”), Esekel Fernandes (“Al-Qodisiya”), Enso Fernandes (“Chelsi”), Jovani Lo Chelso (“Tottenxem”).
Hujumchilar: Alexandro Garnacho (“Manchester Yunayted”), Nikolas Gonsales (“Yuventus”), Lautaro Martines (“Inter”), Valentin Karboni (“Monsa”) Xulian Alvares (“Atletiko”), Juliano Simeone (“Atletiko”), Valentin Kastelyanos (“Latsio”), Matias Sule (“Roma”), Paulo Dibala (“Roma”).
Qizig‘i shundaki, Argentina terma jamoasida mamlakatning milliy ligasidan birorta futbolchi yo‘q. Deyarli barcha o‘yinchilar Yevropaning kuchli ligalarida faoliyat yuritadi va bir nafar Esekel Fernandes Osiyo qi’asi jamoasi a’zosi sanaladi.
Saralash turnirida peshqadamlik qilayotgan argentinaliklar 6 sentyabrda o‘z maydonida Chili futbolchilarini qabul qiladi va to‘rt kundan keyin Kolumbiya terma jamoasi mehmoni bo‘ladi. O‘nta mamlakat terma jamoalari ishtirok etayotgan mintaqaviy saralash turnirida dastlabki olti pog‘onani egallaganlar to‘g‘ridan to‘g‘ri jahon chempionatiga yo‘llanma oladi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Turkiya o‘zining birinchi kvant kompyuterini taqdim etdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Metabolizm sekinlashganining belgilari
Husiylar Isroil aviabazasiga gipertovushli raketa bilan zarba berdi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Har payshanba jismoniy tarbiya va sport kuni sifatida belgilanadi
