Vengriyaning Budapesht shahri mezbonlik qilayotgan shaxmat olamining eng nufuzli musobaqasi hisoblangan 45-Butunjahon shaxmat Olimpiadasida O‘zbekiston erkaklar va xotin-qizlar terma jamoalari muvaffaqiyatli ishtirok etmoqda.
Butun dunyodan 200 ga yaqin davlat terma jamoalari erkaklar va xotin-qizlar o‘rtasidagi bellashuvlarda g‘oliblik uchun kuch sinashyapti. Olimpiada ishtirokchilarining umumiy soni 630 nafar sportchini tashkil qilmoqda. Ulardan 246 nafari grossmeysterlardir.
Erkaklar o‘rtasidagi musobaqaning to‘qqizinchi turida dastlabki ikki pog‘onani egallab turgan Hindiston va O‘zbekiston grossmeysterlari o‘zaro kuch sinashdi.
Olimpiadaning eng murosasiz bahsida to‘rtala partiya ham durang bilan yakunlandi. Nodirbek Abdusattorov – Gukesh, Jivohir Sindorov – Pragnanandxa, Shamsiddin Vohidov – Arjun Erigaisi, Jahongir Vohidov – Santosh Gujratxi Vidit bellashuvida kuchlar teng keldi. Umumiy hisob – 2:2 ko‘rinishiga keldi.
Ta’kidlash joizki, Hindiston terma jamoasi bungacha sakkizta uchrashuvda g‘alabali yurishini davom ettirib kelayotgan edi. Birinchi o‘rinni egallab turgan hindlar Marokash va Islandiyani 4:0, Vengriyaning ikkinchi tarkibi va Serbiyani 3,5:0,5, Ozarbayjon, Eron va Vengriyaning birinchi tarkibini 3:1, Xitoyni 2,5: 1,5 hisobida mag‘lubiyatga uchratgan edi.
O‘zbekiston terma jamoasi grossmeysterlari esa, Trinidad va Tobago, Misr, Xorvatiya, Moldova, Isroil, Ukraina, Serbiya shaxmatchilarini yengib, birgina Vetnamga 1:3 hisobida yutqazib qo‘ygandi.
Endi O‘zbekiston terma jamoasi Butunjahon shaxmat Olimpiadasida g‘olib chiqishi uchun qolgan turlarda hindlarning mag‘lubiyatini kutishiga to‘g‘ri keladi.
Eslatib o‘tamiz, musobaqa qoidasiga ko‘ra, har bir terma jamoa besh nafar shaxmatchidan tarkib topadi. Har turda ulardan to‘rt nafari dona suradi va bittasi zaxira o‘yinchisi vazifasini bajaradi. Musobaqa shveysarcha tizimda 11 raunddan iborat bo‘ladi.
Vaqt nazorati 40 ta yurish uchun 90 daqiqa, o‘yin tugashigacha 30 daqiqa qo‘shiladi, har bir yurish uchun birinchisidan boshlab +30 soniya beriladi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Shavkat Mirziyoyev Rossiya bosh prokurori bilan uchrashuv o‘tkazdi
