BAA bosh murabbiyi: "Oʻzbekistonga qarshi qiyin oʻyin kutib turibdi"

BAA bosh murabbiyi Paulu Bentu JCh-2026 3-saralash bosqichida doirasida KXDRga qarshi oʻyindan soʻng (1:1) matbuot anjumanida ishtirok etdi.

"Biz gʻalabaga loyiq emasdik, sababi kutilganidan kuchsizroq oʻyin namoyish etdik, taktik ishlanmalarni amalga oshira olmadik.

Oʻyinda gʻalaba qozonsangiz, hammasi yaxshi boʻladi, gʻolib boʻlmasangiz — aksincha. 3 tur yakuniga qaramay, bizda 4 ochko mavjud va biz hamon mundial yoʻllanmasi uchun kurashdamiz. Ba'zi raqiblarimiz kuchli boʻlishiga qaramay, oldindagi har bir uchrashuvla gʻalaba qozonish uchun kurashni davom ettirishimiz kerak.

Natijada va koʻrsatgan oʻyinimizdan mamnun emasman. Umid qilamanki, keyingi bellashuvlarda vaziyat oʻzgaradi. Kelasi hafta bizni Oʻzbekistonga qarshi qiyin oʻyin kutib turibdi", dedi portugaliyalik mutaxassis.

Eslatib oʻtamiz, BAA terma jamoasi navbatdagi uchrashuvini mehmonda Oʻzbekistonga qarshi oʻtkazadi. Uchrashuv 15 oktyabr kuni soat 19:00 da boshlanadi. “Zamin” yangiliklarini “Telegram”da kuzatib boring