Dmitriy Bivol Artur Beterbievga qarshi revansh jangi uchun soʻrov yubordi

Dmitriy Bivol Artur Beterbievga qarshi zudlik bilan revansh jangi oʻtkazish uchun soʻrov yubordi.

The Ring nashri xabariga koʻra, Bivol Butunjahon boks kengashi (WBC), Xalqaro boks federatsiyasi (IBF), Butunjahon boks tashkiloti (WBO) va Butunjahon boks assotsiatsiyasiga (WBA) soʻrov yuborgan.

Murojaatning asosiy sababi, ular oʻrtasidagi dastlabki jangning natijalaridagi adolatsizliklar boʻlgan deya hisoblanmoqda.

Eslatib oʻtamiz, Artur Beterbiev Dmitriy Bivol ustidan ochkolar evaziga (114-114, 115-113, 116-112) gʻalaba qozondi va yarim ogʻir vazn toifasida mutlaq jahon chempioniga aylangandi.

Saudiya Arabistonida koʻngilochar ishlar boʻyicha bosh boshqarmasi raisi Turki al ash-Shayx ham Beterbiev—Bivol jangi natijasi adolatsiz boʻldi deb aytib oʻtgandi. “Zamin” yangiliklarini “Telegram”da kuzatib boring